Hugo Boss中環店擬拆細分租慳錢
1 :
GS(14)@2017-01-12 08:00:26【本報訊】零售業持續疲弱，在三年多前以高價600萬元搶租的德國男裝品牌Hugo Boss中環旗艦店，有消息指出，將打算分租部份舖位以節省租金支出，一旦租出或可月慳近百萬。
2013年高價承租10年
Hugo Boss的中環旗艦店位於畢打街1至3號中建大廈地下3、5及7號舖及地庫，合共14,316方呎，位於早前宣佈提早關閉香港旗艦店的美國時裝品牌Abercrombie& Fitch（A&F）對面。Hugo Boss於2013年以高價600萬元承租十年，趕走原本4個租客。惟高檔零售業急速收縮，不少高檔零售品牌已縮減規模。由於Hugo Boss租期尚餘六年，該品牌近期與業主磋商重組舖位的可行性，暫定將舖位拆細分租，最大機會將地庫約8,500方呎分租。該舖市值月租約90萬元，若租出可幫補租金開支。另外，九龍城北帝街77號永德大廈地下D號舖、及一樓全層物業，樓面約4,628方呎，原本由大家樂持有，兩年前以6,500萬元出售後租回，租約期三年。早前市傳以1億元沽出，業主接受訪問時澄清舖位沒有出售，亦沒有計劃出售，作長線收租。
來源:
http://hk.apple.nextmedia.com/financeestate/art/20170111/19892904
撐鳴煒「去少啲旅行儲首期」言論大劉轟廢青 被寵壞唔識慳錢
1 :
GS(14)@2017-04-06 07:41:36■大劉說自己好心軟，所以無論做生意或男女感情，都容易受傷。
【劉鑾雄講大劉】【連載系列之八 致富心得】富豪劉鑾雄（大劉）接受本報獨家訪問，今回他講到擁有律師牌照，又考獲飛機師執照的長子劉鳴煒，評價相當高，同時他鬧爆廢青只愛去旅行和追求物質，不會慳錢。
■愛子心切的大劉，不想兒子劉鳴煒遭不合理批評，曾勸兒子少說話。資料圖片
■去台灣貼地搭捷運的劉鳴煒（中），曾發表「去少啲旅行儲首期」買樓言論，被外界批離地。資料圖片
青年呻窮唔兼職
對於兒子劉鳴煒曾說過買樓論「去少啲旅行儲首期」，言論一出即被批離地，大劉撐兒子沒有講錯：「佢嘅出發點係好嘅，啲人點會受落啫？啲人最鍾意聽你使咗幾多錢呀，爭人周身債然後申請破產咪啱聽囉！我諗今日香港最有錢嘅頭一、二十人，如果係自己創業嘅，個個都係慳番嚟自己捱番嚟，唔係話有錢就去旅行，冇錢就去碌卡。但?家啲人，你叫佢唔好去旅行？仲慘過殺佢老竇老母。」大劉肉痛兒子受批評，曾勸喻他：「我上次已經叫佢唔好多多聲氣，其實佢講得好啱㗎，但啲人點會啱聽啫？」他又指時下年輕人被寵壞了：「你可以話?家啲年輕人俾人寵壞咗未捱過苦，亦可以話佢哋唔係掂地，而係離地。」他說看到電視新聞很有感觸：「有一次我喺電視見到，一個青年，25、26歲左右，接受訪問話住劏房，地方好細。接受訪問嗰陣，佢拎住本漫畫，咁我心諗，如果你講到你間劏房咁細，你係咪應該去兼職？揸番一更的士又好，巴士又好，或者搵番份工。但佢唔係，佢匿喺房裏面睇漫畫，你有乜嘢可以怪人？」大劉指年輕人有劏房住算是不錯：「我哋以前嘅居住環境曳到，老鼠通屋走。睇番以前初初，我記得我同我前妻（寶詠琴）個理想，層樓千五呎，有一百萬定期存款，我已經好滿意。」
勤力信用加膽量
問到大劉的致富心得，他稱：「一定要勤力啦，信用亦好緊要，呢個係我由我媽媽嗰度學番嚟。」問他做生意是不是要夠狠？豈料他說：「狠，我唔承認囉！好有膽量我認嘅，其實我好心軟，好多嘢人哋對我唔住嘅，我都好易算。」採訪：陳月媚攝影：陳俊強【Timeline】手機用戶請按此，瀏覽「傳奇狙擊手劉鑾雄」:
http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」:
http://bit.ly/JosephLau
來源:
http://hk.apple.nextmedia.com/entertainment/art/20170406/19980999
【幫你慳錢】廉航出招 85折去塞班島結婚
1 :
GS(14)@2017-06-22 07:43:10近年，關島、塞班、峇里等熱帶島嶼成為港人結婚熱門地，得天獨厚的藍天白雲沙灘美景，不用特別佈置已能成為最浪漫婚禮場景。近日有廉航推出適合婚禮攝影、海邊婚禮專用的機票優惠，繼泰國布吉和清萊等航點後，香港快運連續推出四個月的塞班島航點優惠，由2017年6月20日（00:00）至6月26日（23:59）期間，旅客在訂購機票時輸入優惠代碼「SPNGOHK」，就可以85折價錢訂購前往塞班島的機票。旅行日期適用於2017年6月20日至2018年3月24日。誰說海外婚禮一定要落重本？慳慳埋埋的機票錢已可節省許多開支。記者：王秋婷2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170621/20062989
財經評論：簡約設計慳錢為實
1 :
GS(14)@2017-06-23 02:49:28地產市道當旺，裝修行業也好景，有能力置業人士，買樓後便會搞裝修，已擁有單位的業主，即使嫌樓價升得太高，財力不夠細屋換大屋，亦希望裝修盡用空間。然而，大家有否發覺很多住宅都走簡約風格，用料大同小異，講到底為慳錢。從事設計裝修朋友說，行內整體生意的確較以前多，但競爭非常大，接到生意亦「好睇唔好食」，尤其近年細價樓上車客花大筆首期，所餘裝修費有限，新樓預算10餘萬元，舊樓全屋翻新預算20餘萬元。現時人手短缺，工資上漲，平均每位師傳日薪約1,300元，人工佔去裝修費逾五成，惟其他方面控制成本。設計美其名簡約風格一來好聽，二來可針對客人愛靚又慳錢的心態，裝飾以低成本高效益為目的，亮點一至兩個便足夠，主要在客廳電視、梳化背後及主人房床頭造特色牆，物料以文化石、灰鏡、圖案磚及牆紙等等，加些燈光便完成，每幅特色牆約兩、三萬元，經濟實惠。不過，為免倒模一式一樣，運用線條造型技巧，以及訂製家具款及配色花心思，務求每個家居有變化，滿足不同客人口味。要注意，裝修行業良莠不齊，客人宜揀有口碑的公司，最好有親友光顧過比較穩陣，以免遇上黑店。按運輸及房屋局公佈數據顯示，2014年私人住宅落成量1.57萬伙，其後兩年分別有1.13萬及1.46萬伙，三年共4.16萬伙，未來三至四年潛在供應達9.6萬伙，數字非常驚人。設計師朋友話新樓越多，行內生意越多，雖然自己賺得少，總好過冇得做，視乎有否失誤需要重造工程而定，賺取裝修費近二至三成比例作毛利，基本上夠公司營運及有少許利潤。新屋苑入伙，好彩接到3、4個單位同時開工，容易調配人手及大批買料，拉均成本，薄利多銷，密食當三番。記者：溫潤潔
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170622/20064057
【幫你慳錢】親子遊不一定住酒店 暑假限定租屋優惠
1 :
GS(14)@2017-08-06 11:41:20暑假是親子外遊旺季，酒店價格不便宜，更經常爆滿。計我話，親子遊不一定要住酒店，租間附設泳池與花園的獨立屋，更適合活潑小孩。
早前記者到越南熱門旅遊城市峴港，利用Expedia旗下的HomeAway網上平台租房，便覓得價錢相宜、位於市中心的三層獨立屋，每晚約$3500租逾6000呎單位，合共六間睡房，可容納16人；屋內有花園、露台、泳池、開放式廚房，並設各式娛樂設備如足球機、桌球，適合一家大細甚至幾個家庭渡假。比較另一租屋網站airbnb，峴港設獨立睡房並可容納16人的獨立屋，價錢貴近一倍。
大大個開放式廚房，一家大細享受入廚樂。
獨立屋設六間睡房，床鋪頗整潔，每天有專人收拾。
其中一間睡房有兩張碌架床，小朋友可擠在一間房，睡前講心事！
HomeAway租盤涵蓋190個國家，家長可趁暑假完結前（8月31日）瀏覽網站（
www.homeaway.hk），結單時輸入promotion code「summer17」，可享有8%訂房優惠。
三樓設有桌球枱，住客可趁機較量一番。
獨立屋位處市中心，步行往峴港名勝美溪沙灘只需十分鐘。
記者：洪慧冰圖片：HomeAway2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170805/20111917
Next Page