ZKIZ Archives


爆羅傑承搞 K場內幕 加州紅班底做骨幹 下月硬撼 Neway

1 : GS(14)@2010-11-08 22:22:42

「羅傑承搞卡拉 OK?」無錯!佢嘅 KTV集團 12月 1日試業, 12月 18日正式開幕,一開張就要同中星集團( 055)主席薛嘉麟打骰嘅 Neway,喺聖誕節黃金檔期埋身肉搏。羅傑承仲爆內情,佢今次搞 K場,原來一切由薛家嘅一個拒絕開始。
「百花齊放同惡性競爭其實都係同一樣嘢,只係睇你點講出嚟,總之,個餅好大,我哋唔會割喉,我哋會維持番自己應有嘅利益,唔會惡鬥。」身兼南華足球班主嘅博美投資集團( BMA)主席羅傑承如是說。
薛公子雙倍價購加州紅


作為一個生意人,而且還搞過電影、唱片,羅傑承說,佢一直都有留意卡拉 OK呢門生意,亦曾想收購加州紅,家一力搞一個新 label,緣起薛公子嘅拒絕:「加州紅舊年年底話唔做,佢哋有啲股東問我,我睇完盤數之後有興趣,只要經營模式唔守舊係有得做,家好多人去卡拉 OK,已經唔係為唱歌而唱歌,係一個 gathering嘅地方。」
「今年農曆新年前,我畀咗個數出嚟,佢哋只係賣 75%畀我。」羅傑承說,呢個時候,賣方亦知會他,仲有另一個潛在買家──中星嘅薛家,「我同薛生好熟,咪打個電話畀佢,話想同佢一齊做,加入我諗到嗰啲新元素。」
不過,羅傑承嘅美意沒有獲得薛生接納,後來,就聽見 Neway併購咗加州紅。「我 offer近一億頂手,佢畀到我個價嘅 double。」羅傑承口中嘅薛生,係已經退下來、讓兒子接棒嘅「大薛生」薛濟傑。
簽四大唱片公司

羅傑承說,接下來,就係加州紅幾百個員工,喺新主上場後,立即被撤走,而呢個頗龐大嘅班子,走來叩佢嘅門,「初時我係冇乜興趣,叫佢哋做盤數畀我睇吓,你知喇,起個新 label好貴,到將近暑假 proposal完成,盤數 okay……舊骨幹戰意高昂,好似打足球咁,唔係全新組班,好有嗰道『火』」,於是搞卡拉 OK呢個新計劃,「理性地」立即上馬。
羅傑承透露,下個月先喺銅鑼灣(皇室堡加州紅舊址)及尖沙嘴各開一間,明年暑假時會增到 6間,每間 K房數目唔會多於 50人,每間成本係 4000萬。
至於會唔會亦步亦趨,追住對手嚟打,「咪好似百佳同惠康咁囉……以我哋嘅 size,係唔可以同 Neway比嘅……一定要計數,我哋開到 12間嗰陣,個市場已經飽和」。
至於佢嘅 KTV有何賣點?「家市場上唔妥嘅會改,我哋要求係 100分,最緊要係啲 service」。但更大嘅賣點,無論如何也應該係呢句「我哋同『四大』已經簽咗約!」到時可以唱謝安琪、陳奕迅同埋張敬軒嘅新歌。
2 : GS(14)@2010-11-08 22:22:55

中環在線:「最想南華足球上市」
2010年11月08日

羅傑承嘅 BMA喺 1998年成立,旗下業務計有出版、飲食、藝人管理及體育等等,但佢暫時無計劃將整間 BMA上市,「我又唔覺得做上市公司老闆好威,除非話上市可以集資到大嚿錢,幫到啲生意再大啲,否則唔想受咁多規限。」
向熱刺偷師賺大錢

反之,獨立將南華足球隊上市,才是他心目中那團火,「我好想香港有一隊屬於香港人嘅球隊,好似人哋英超嗰啲球會咁上到市,但法律上同制度上,家係唔容許,我好想同佢哋(南華會、足總)一齊 work out呢樣嘢,我哋家同熱刺係 partner,我好努力學緊人哋熱刺點樣賺錢……」。
至於佢嘅終極目標係咪好似楊家誠咁呢?「我邊有佢咁多錢呀!我只係想香港人有一隊屬於佢哋嘅球會!」
李華華
3 : GS(14)@2010-12-13 22:27:45

http://hk.apple.nextmedia.com/te ... 307&art_id=14759916
早排同大家預告咗, Neway一家獨大嘅局面將會由今個月起改寫,因為羅傑承(圖)會殺入 K界,而羅生仲同華華講,除咗四大唱片公司啲歌,佢仲會有啲「秘密武器」同對家爭一日長短。「秘密武器」係咩?今日終於揭曉!原來羅生搵咗 Microsoft幫手,將最頂尖嘅雲端技術帶入佢間新卡拉 OK「 Red MR」,即係有乜玩?聽聞最特別係每間房嗰張用咗 Microsoft surface技術嘅枱,設有 multi-touch嘅桌面技術,可以畀大家點歌、玩骰盅,同埋放杯飲品上去,仲可以知道杯嘢有咩成份,而唔唱歌嘅,房內會有 Xbox360Kinect招呼你……唔知 Neway薛公子點睇呢?
4 : 龍生(798)@2010-12-15 01:53:45

好似好勁咁喎
5 : abbychau(1)@2010-12-15 22:58:14

自從Neway 買完之後拆舖又無約, 我已經覺得佢危危符, 上次去唱K 仲連陳奕迅都無
有人拎錢出黎我估好易搞得起
同埋我個人都覺得bma 搞得幾好
6 : GS(14)@2010-12-15 23:02:36

我覺得會有問題,Neway遲早會贏
7 : pcp7838(1616)@2010-12-15 23:05:50

6樓提及
我覺得會有問題,Neway遲早會贏


點解呢?香港連兩間都生存唔到?我覺得唔係實力問題,係市場要有兩間的問題,除非有法例之類保護,否則很少生意能壟斷市場的.自由市場一定會創造另一個 tier/segment.
8 : GS(14)@2010-12-18 16:44:44

7樓提及
6樓提及
我覺得會有問題,Neway遲早會贏


點解呢?香港連兩間都生存唔到?我覺得唔係實力問題,係市場要有兩間的問題,除非有法例之類保護,否則很少生意能壟斷市場的.自由市場一定會創造另一個 tier/segment.


咁又是,百佳惠康,7-11及OK...最少兩間先得
9 : GS(14)@2010-12-18 16:45:06

http://hk.apple.nextmedia.com/te ... 104&art_id=14779371
耗資四億  Red MR揭幕 掀 K場戰
2010年12月18日
【本報訊】南華足主羅傑承豪擲四億元開設的智能 K場 Red MR今日開幕,獲環球等四大唱片公司力撐號召 20多名歌手撐場,強銷微軟高科技多點觸控桌面點歌點餐系統、體感遊戲,以及豪裝主題 K房作招徠;以東亞、金牌大風等歌曲掛帥的卡拉 OK Neway聲言不會割喉減價迎敵,採取以不變應萬變策略。
bma主席羅傑承表示,旗下智能 Red MR今日分別在銅鑼灣及尖沙嘴開幕,合共推出 39間 K房,最大賣點備有價值數十萬元一部的多點觸控桌面系統,顧客可透過桌面系統點唱、點餐、傳相及玩遊戲。銅鑼灣旗艦店更設有七間主題房,其中包括南華特色主題房,「放咗南華紀念品同球衣,仲裝埋三部電視機睇直播賽事」。另有備 103吋電視機及高級音響系統的海景香檳主題房,以及最適合潮人的 3D影院主題房。每間房更備有 Kinect體感遊戲。
葉澍堃試場讚好玩

羅傑承續稱, Red MR與四大唱片公司簽約,可播放環球、 Sony Music、華納及 EMI等新歌及舊歌,多達數萬首,「外國歌好似日本、台灣等特別多,主打嘅歌手有陳奕迅、謝安琪等。」新場明年 1月 1日前的房間全部訂滿,候補登記達 700人。
前高官葉澍堃日前往試場,大讚觸控桌面系統提供骰盅遊戲「真嘅一樣」,以及無手掣體感遊戲,「同傳統嘅 K場比較,呢度唔止唱歌咁簡單」。
Red MR來勢洶洶, Neway發言人表示歡迎新公司加入競爭,有助擴闊巿場,絕不會以割喉式減價迎戰。 Neway分店多達 27間,當中副線 CEO共有 5間,走高檔路線,每間房均有獨立廁所,與大眾化的 Neway,一網打盡各式客人。發言人續稱,現時客人可用 iPhone及諾基亞手機以 Neway app訂房,經短訊即時知道訂房情況,另與 Sony合作推出 Move體感遊戲比賽。
新舊 K場大比拼

Red MR
數目: 2間
賣點:多點觸控桌面系統,設多間主題房及 Kinect體感遊戲
合作唱片公司:環球、 Sony Music、華納及 EMI提供歌曲,主打歌手陳奕迅、謝安琪等
收費:人均消費數十元至 200元

Neway
數目: 27間
賣點: CEO每間房設廁所,設有 Playstation主題房及 PS3遊戲機
合作唱片公司:東亞、金牌大風、英皇等歌曲,主打歌手劉德華、鄭秀文等
收費:人均消費 100元至 200元

資料來源:上述公司
10 : GS(14)@2010-12-18 16:45:18

版權風波
Neway被指侵權播四大歌曲
2010年12月18日

Red MR今日開幕即掀起 K場歌曲版權爭拗。羅傑承表示旗下 Red MR與四大唱片公司簽約,可播放環球、 Sony Music、華納及 EMI包括本地及外地的所有新歌及舊歌,其中主打新歌包括環球旗下歌手陳奕迅的《講男講女》及《一絲不掛》等 MV。
未付歌曲版權費

Red MR最近得悉連鎖卡拉 OK Neway涉嫌播放四大唱片公司旗下歌手陳奕迅、張學友及李克勤歌曲,包括陳奕迅的《講男講女》等歌曲。羅傑承指公司付出巨額版權費,獲四大唱片所屬音像聯盟( RIA)授權播放有關歌曲,其他卡拉 OK未有付費而播放。
RIA 行政總裁 Ronay昨指出,四大唱片公司目前與 Neway就有關歌曲進行版稅官司,不便談論;但聯盟接獲投訴會跟進處理。 Red MR獲 RIA正式授權可以播放四大唱片公司的歌曲, Neway迄今未與 RIA簽定有關合約,「有侵權之嫌」。 Neway發言人表示,涉及四大唱片公司的歌曲版稅爭拗官司不便回應。
本報記者
11 : 龍生(798)@2010-12-18 21:45:14

房太少LOR
我想搞聚會, 但得31間房, 我想31號搞
我都廢時打去BOOK!!
12 : GS(14)@2010-12-18 22:26:35

選過另外一日囉
13 : GS(14)@2010-12-26 17:09:52

2010-12-18 iM
南華班主羅傑承4億搞Hi-tech K場   

過往K場是同事朋友間聚會熱門之選,但香港K場由高峰期十多間,到現時只剩Neway一間,發展似乎已到達樽頸位;今年更因四大唱片公司版權問題,令眾多當紅歌手歌曲絕迹K場,頓時令卡拉OK吸引力大大降低。

一向情繫娛樂及體育事業的商人羅傑承,眼見登陸香港超過20年的卡拉OK市場變成一潭死水,毅然一擲4億元開新K場,務求令行業猶如香港足球壇一樣,可起死回生。他重點引入身價超過40萬元、微軟(Microsoft)的多點觸控電腦Surface,作為K房的「主腦」,而且還在房內配置至潮遊戲機 Xbox 360 Kinect,讓客人唱K之餘可享受高科技產品和體感電玩帶來的樂趣,K場搖身一變成多媒體Party Venue!

「卡拉OK做了二十多年,模式開始改變,以前客人為某歌手的歌而去唱K,但現時客人已不再為唱歌而去,變成大家社交聚會的地方。」bma娛樂集團主席羅傑承認為卡拉OK仍有很多需求,只是市場沒有足夠供應而已,他相信新K場可為客人帶來全新的娛樂玩法。

羅傑承信心十足,皆因他跟Microsoft合作,引入高科技的多點觸控桌面電腦Surface,作為他們智能K場的生招牌。這部茶几兼電腦價值40多萬元,30吋輕觸式大屏幕,可供多人同時使用,防水之餘還可承受200磅重力,與一般餐枱無異。

扭轉劈酒形象變身Party Venue

羅傑承表示將來每間K房至少會配置一部,客人可透過Touch Screen來點歌,還可以搜尋歌手資料和播放MV等,加上電腦亦提供點餐服務,基本上一部電腦已可全面照顧客人需要。

記者會上,羅傑承和微軟香港商業及市務部總監胡靄慈,還即席示範電腦的科技辨識技術,只要在屏幕放上一枝紅酒,電腦便會即時顯示紅酒資料,還有短片介紹酒的出處。羅生指將來這辨識技術還可用於信用卡或八達通卡付費上,客人連埋單也可自助進行,再沒有侍應生在房間出出入入,享受完全私人的派對空間。

Surface會提供如大話骰等小遊戲,還有額外的大屏幕給客人玩最新的體感遊戲機Xbox 360 Kinect。羅傑承刻意將K房劃大,將原本可分成60多間房的店舖,改為30間,以大房及中房為主,方便客人大搞派對,最多更可容納30人。部分房間還會裝置Webcam,讓客人拍照留念,更可在Surface為照片畫畫加工,再傳上Facebook,而電腦亦支援藍芽技術傳送相片。

羅傑承這次一擲千金,猶如花5萬英鎊(約60萬港元)簽下前曼聯球星畢特般豪爽,一次過便購入總值逾千萬,60多部微軟的Surface。他期望將高科技和派對氣氛帶入K場,扭轉現時「劈酒場」的傳統形象,變成一個老少咸宜的Party Venue。雖然重金投資,但羅傑承沒有打算定價太高,維持一般K場約200元的消費額,希望有朝一日成為客人休閒,甚至下午茶好去處。

未開幕已爆滿冀3年回本

這種唱K新體驗先聲奪人,未開幕已經迅速受廣泛注意,羅傑承表示他們新店的訂房已告爆滿,最快也要輪候1個月後才有房。而跟無綫和Neway鬧翻的四大唱片公司環球、華納、Sony和EMI,連同周杰倫的JVR Music亦跟這新K場合作,提供旗下歌手歌曲。而羅傑承旗下藝人公司的歌手,如曹格,自然成為K場的台柱人物。他還表示,跟唱片公司還在傾談有關購買新歌的手機下載服務,讓客人可在K房即聽、即唱、即買歌曲,為唱片公司帶來全新的宣傳渠道。

新K場的總投資近4億元,預計開設8間分店,尖沙咀及銅鑼灣分店率先開幕,其餘分店陸續於明年開始營業,羅傑承期望2年至3年後可以回本,還預料最快明年底會於北京、上海、廣州開分店,將這Party Venue的唱K模式同樣引入內地。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

“每周一蹺”

創蹺時間︰2009年

創蹺人︰羅傑承和太太梁芷珊

成效︰

˙成功拉攏四大唱片公司簽約,提供旗下歌手歌曲給新K場

˙新店未開幕訂房已告爆滿,輪候最快也要1個月後

˙斥資4億開新K場,同時引入高科技電腦,成功引起社會話題

致勝關鍵︰

˙了解卡拉OK行業營運模式的改變,為K場注入派對元素,加強社交聚會的形象

˙購入60多部高科技觸控式電腦,為K場注入多功能智能元素,增加客人樂趣

˙跟四大唱片公司合作,研發手機合法下載歌曲,為唱片公司帶來全新宣傳渠道
14 : GS(14)@2011-01-01 17:18:16

http://hk.apple.nextmedia.com/te ... 104&art_id=14821622
男歌女唱破版權枷鎖
2010年12月31日

【記者翁煜雄報道】 K場大戰「顛倒」唱片業。 K場近年常受版權問題困擾,未能提供部份歌手的歌曲,令粉絲不能高唱偶像名曲;有 K場即將與電台合作「顛倒樂壇」,將部份未獲版權的歌曲,找其他歌手重新演繹,例如男歌女唱或女歌男唱,便可視另一首歌來播放,「男歌手多女粉絲,女聲版本,女粉絲咪可以點嚟唱囉;我哋又會搵 band友唱 Twins嘅情歌,男仔就可以點嚟唱」。
增加創作人收入


新開幕卡拉 OK Red MR所屬的 bma集團行政總裁崔永昌表示,卡拉 OK若未能與某間唱片公司簽約,便不可以播放該公司旗下歌手的歌曲,「我哋簽咗四大唱片(環球、 Sony、華納和百代),有啲唱片公司未簽到」。
「但諗咗個辦法。」他解釋,諮詢法律意見後發現,只需取得未簽約公司歌曲的曲詞版權,另找歌手重新演繹,便可作為另一首歌供點唱,「但唔係口水歌,會重新包裝」。部份會男歌女唱,或女歌男唱,如 bma剛推專輯《 Jazz them up》,便由女歌手胡琳翻唱男歌手如劉德華等歌曲,並改為爵士版,銷量極佳:「女仔可以用番女仔嘅 key唱男偶像嘅歌。」他透露將與商台辦「顛倒樂壇」,讓流行曲變身,「如搵 band友唱 Twins嘅情歌,感覺完全唔同」。這些歌曲部份來自 Red MR未簽約的公司。
作曲家及作詞家協會發言人稱,在取得曲詞版權擁有人的許可下,重新演繹並出版歌曲,可當作另一首歌,這情況就像多年來中外樂壇歌手,常重新演繹喜愛歌曲並出版的情況相同。
她補充,這類翻唱歌曲,可令創作人的作品得到更多出版、公開演出及播放的機會,無疑是有助增加其版稅收入,而歌曲能得到更多的推廣及出版渠道,亦讓更多的樂迷認識,喜愛甚至選唱,是蓬勃了樂壇。記者曾聯絡未與 Red MR簽約的唱片公司,包括英皇,但截稿前未得回覆。
雲端系統省成本

另外,唱片公司現時將歌送到每間卡拉 OK,再由卡拉 OK的伺服器中心傳到客人房; Red MR將引入微軟的雲端系統,即唱片公司只需將歌傳到網上系統,客人點歌時只需透過互聯網進入該系統極速下載歌曲,而卡拉 OK不用再設伺服器中心等,每間分店可省 200萬元成本。崔永昌指,「我哋打算開 15間,即係慳番成 3,000萬」。他說系統也可提升舊 MV質素。
「顛倒樂壇」部份歌曲

歌曲:《時代曲》、《與我常在》、《幸福摩天輪》
原唱歌手:陳奕迅
重新演繹歌手:胡琳

歌曲:《華麗邂逅》、《心淡》、《逃避你》
原唱歌手:容祖兒
重新演繹歌手:曹格

歌曲:《沒有腳的小鳥》
原唱歌手:古巨基
重新演繹歌手:周麗淇

歌曲:《再見二丁目》
原唱歌手:楊千嬅
重新演繹歌手:周國賢

歌曲:《幼稚園》、《下一站天后》、《大浪漫主義》
原唱歌手: Twins
重新演繹歌手:野仔

註:歌曲未落實或有變動
資料來源: bma
15 : GS(14)@2011-01-01 17:18:30

特稿
鬥獨家變鬥服務
2010年12月31日

近年卡拉 OK都與不同唱片公司簽約,以奪取歌曲的獨家點唱權,而卡拉 OK未經授權播放歌曲也常遭控告侵權。有業界認為翻唱歌可打破現有僵局,也可讓卡拉 OK由鬥獨家點唱,轉為比拼服務質素及價格水平,消費者也可得益。
香港餐飲聯業協會會長黃家和稱,以往到任何一間卡拉 OK,幾乎都可唱大部份流行曲,但近年卡拉 OK爭相向唱片公司取得歌曲獨家點唱權,「喺 Neway唱到嘅歌,喺加州紅又唱唔到,一係就相反」。
K迷不用「兩邊跑」

部份卡拉 OK被指播放台灣等地版本的歌曲,也引起唱片公司間的版權官司,故消費者要「兩邊跑」才可唱到大部份心儀歌曲。
他認為,若卡拉 OK透過翻唱改編,播放其他唱片公司歌曲,對消費者來說是好事,「喺一間已經可以唱晒想唱嘅歌」。
他說,加州紅被 Neway收購後,市場出現「獨大」情況,若不同集團的卡拉 OK播放的歌曲相若,有助改善有關情況,因為競爭範疇會由歌曲擴至價錢、服務等,「可能鬥有乜特別設備服務,甚至價格都會調整」,最終得益者都是消費者。
本報記者
16 : abbychau(1)@2011-01-01 17:24:27

很好很強大
17 : GS(14)@2011-01-01 17:26:02

16樓提及
很好很強大


如何好,如何強大?
18 : abbychau(1)@2011-01-01 17:26:45

http://www.google.com.hk/search? ... 8%E5%BC%B7%E5%A4%A7
19 : GS(14)@2011-01-01 17:30:13

18樓提及
http://www.google.com.hk/search?sourceid=chrome&ie=UTF-8&q=%E5%BE%88%E5%A5%BD%E5%BE%88%E5%BC%B7%E5%A4%A7


都是唔明啊?!!
20 : GS(14)@2011-01-08 14:47:43

http://www.eastweek.com.hk/index.php?aid=10161
由bma羅傑承打造的智能K場Red MR上月中開幕,並引入高科技娛樂產品Microsoft Surface,與壟斷市場的Neway正面交鋒。今次「K場大戰」近日更蔓延至智能手機,Red MR推出互動的iPhone App,短短十天已有幾萬人下載,而Neway亦不甘示弱,隨即更新其App迎戰。
Red MR推出的iPhone App具有「Party Album」功能,負責設計的陳勁風解釋,盼可加強與K迷互動。

Neway的陳紀穎(右)說,花了半年時間試行訂房功能,涉及人手達三百多名。左為負責設計App的流動軟件科技業務發展經理黃灝勤。

Red MR的新App除了提供訂房服務、新歌試聽和睇MV外,還有一個名為「Party Album」功能,讓顧客拍照後可挑選相框和公仔裝飾,並即時在facebook裏分享。負責設計的飛勢力傳訊總軟件工程師陳勁風透露,花了三星期開發程式,「Party Album由羅太梁芷珊主動提出,希望與K迷多點互動,並會將個App保留在手機內。始終iPhone族群極具市場潛力,盼可達至人傳人效果,吸引更多人幫襯。」
Red MR來勢洶洶,Neway也不敢怠慢,聖誕節前更新《Neway Karaoke Box》App,加入訂房功能和電子優惠券,更豪擲一百萬做宣傳。Neway高級市務主任陳紀穎稱,預訂房間功能已試行半年,無獨有偶與Red MR同步推出。
「iPhone用家預訂後,三十分鐘內手機就收到確認訊息,由於涉及各分店的前線員工,因此是一個很複雜的系統。App內還有電子優惠券,可透過facebook、twitter或電郵分享,朋友都可以用,相信可搶到更多客戶。」她說。
Red MR引入高科技娛樂產品Microsoft Surface,集點歌、點菜和打機功能於一身,成功吸引大批K迷訂房。

Red MR上月中開幕,主打高格調派對路線,希望可打破Neway壟斷市場的局面。

Neway的iPhone App新增電子優惠券,並可透過facebook、twitter或電郵與朋友分享。
PermaLink: https://articles.zkiz.com/?id=271488

Next Page

ZKIZ Archives @ 2019