第三胎已改定英文名陳豪：仔女都會好錫
1 :
GS(14)@2016-03-15 16:07:58■陳豪昨日與童星鄭耀軒出席活動，齊齊搵銀。
陳豪與太太陳茵媺（Aimee）三年抱三，他們的第三胎預計於5月出世，陳豪就快再做第三任老竇，近日密密工作搵奶粉錢，昨日他現身銅鑼灣皇室堡親子活動，與童星鄭耀軒大砌積木。陳豪在台上訪問時透露，在家會與兩歲多的大仔砌積木，他說：「係最重要一part節目。」提到他兒時夢想想做建築師：「自己畫畫好叻，可以用一至兩個禮拜畫一幅畫。」問到他有否陪囝囝畫畫，他笑言：「Aimee叻啲，佢係設計師，佢藝術水平好高，佢教仔畫，大仔鍾意畫畫，遺傳咗我哋兩個，佢又鍾意睇書，very good，琴棋書畫中咗兩樣。」
■陳豪與陳茵媺的大仔陳梓燁已有兩歲三個月大，早前齊齊去嘉年華親子樂。資料圖片
■已是兩子之父的陳豪，與活動的小朋友相處駕輕就熟。
「三個夠數」
陳豪透露拍劇至5月中，問到有否請定假陪產，他表示：「有講定預產期，但唔知佢（BB）幾時嚟。」對於有指今胎都會生仔，他即擺出拉鏈嘴動作：「唔好咁心急，好快，英文名都改咗，中文名未改。」記者再問BB會否着哥哥舊衫？他即笑言：「唔好成日裝我。」再問他會否生完呢胎再追女，他表示：「無論呢胎仔定女，都會好錫，三個夠數。」一向指女兒是前世情人，生女會否更覺圓滿，他則轉移視線：「唔話你聽，而家細佬同哥哥糖黐豆，大哥已經讀學前班，細佬都面試咗，會讀同一間。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20160314/19528073
汪詩詩唔畀仔女壓力
1 :
GS(14)@2016-03-17 14:52:52汪詩詩、吳雨霏（Kary）和周嘉儀前晚在銅鑼灣出席Max Mara活動，育有兩名子女的詩詩被問到最近香港學童因學業壓力尋死，她表示很少聽到仔女有壓力，亦不會給予他們壓力：「我會叫個仔乖啲、做功課，可能佢會覺得辛苦，因為佢比較好動，我會用心去同佢溝通好啲。」
Kary重返校園，報讀網上大學課程，她說：「其實喺大半年前讀番書，講咗好耐，我好細個入行，當時選擇入行放棄學業，一直耿耿於懷，結婚後同老公傾，網上報咗課程，有機會入大學，攞埋degree先，而家讀緊英文同數學，我數學最差，老公幫我補習。」Kary直言十分享受讀書，相信會完成大學畢業才會考慮生BB的問題。採訪：羅慧敏攝影：沈健程
來源:
http://hk.apple.nextmedia.com/entertainment/art/20160317/19532384
馮仁昭四圍超：當劇團係仔女歐錦棠唔生B
1 :
GS(14)@2016-05-08 01:44:16歐錦棠同太太萬斯敏嘅劇道場，呢個月19日會喺上環文娛中心演出《春雨歸來》，日前佢哋喺九龍灣綵排，阿棠同萬斯敏之間默契十足，仲學韓星晒心形手勢。講到呢齣舞台劇，阿棠話：「今次係講30年師生情誼，講人生競賽嗰啲嘢，我母校知道，話會拉大隊支持。」向來不平則鳴嘅阿棠，今次竟然冇刻意加入爭議性聲音，佢話：「而家唔合理又荒唐怪誕嘅事，其實幾百年前都有，所以唔會太着迹去講，反而今次有好多諗頭，加上我又好百厭想加入自己元素。」
■歐錦棠日前喺九龍灣為舞台劇綵排。
信仰改變人生
佢哋兩公婆經歷過離離合合，但係最後都行過難關，一齊生活，阿棠話：「之前同太太分開咗，嗰陣關係唔好，加上我又有抑鬱症，不過有咗宗教信仰後，處事同對人都同以前唔同，內外會自我更新，睇嘢角度同人生嘅意義都唔同咗。」佢仲話：「太太負責把關提點我，當然，我哋都會有爭拗，但係總有一方會妥協。」至於生B，阿棠話：「吓？咁貴，讀埋呢啲咁嘅書，唔好喇！」萬斯敏亦都話：「結婚嗰陣有共識唔生B，加上社會咁樣，如果要生成個計劃都唔一樣，我哋而家當咗劇團係小朋友。」撰文：馮仁昭
來源:
http://hk.apple.nextmedia.com/entertainment/art/20160506/19599524
【炒股駐顏？】周大姐今年76歲：六個仔女我養大晒
1 :
GS(14)@2016-05-08 14:41:29平時經常在蘋果財經版出現的星級散戶周大姐，睇個樣就知道係一個好福氣，原來她今年已經76歲，有6個仔女，十幾個孫，好多都已經讀緊大學，認真兒孫滿堂！周大姐話，從來都唔教仔女炒股，廢事教壞佢地咁話。而家個個仔女都唔煙唔賭，錫到佢地燶！班子子孫孫得閒仲會請周大姐飲茶，塞返一千幾百畀佢做零用錢，氹得佢老人家好歡喜！仔女唔炒股，咁又會唔會唔鍾意周大姐成日去股票行呢？周大姐就話，佢地反而鍾意她去坐下，證明佢行得走得，留係屋企仲令佢地擔心。「老人家炒股有咩所謂，總之佢唔連累你，唔攞你錢咪OK囉！」俗語有話，相見好同住難，雖然周大姐同仔女感情好好，但因生活習慣太不同，老人家要早起身，早食飯，夜晚7點幾就瞓教，7點幾佢地都未放工食飯，所以分開住相處仲好。至於母親節點樣慶祝，周大姐話有啲仔女已經俾咗錢佢買野，有啲就約咗佢星期日食母親節大餐。其實一講起仔女，周大姐就拎住個電話起勢同記者講，啲孫幾靚仔幾乖，個樣勁冧勁開心。所以話，仔女永遠都係媽媽心裏面一塊肉，你有幾錫佢，佢個幸福樣無得呃既！
來源:
http://hk.apple.nextmedia.com/financeestate/art/20160508/19602976
仔女食咩睇睇先煙肉蛋好過粟米片？！
1 :
GS(14)@2016-05-19 02:22:28牛肉健康過雞肉？牛油較植物牛油更好？是啊，英國營養師Keris Marsden提出，不少人對某些食物存在誤解，容易因此選錯食物。以早餐為例，很多家長都認定粟米片這類穀類早餐會較健康，而提供予小朋友，但其實大部份粟米片味道都偏甜，吃後會令血糖急升，小朋友吃後很快便會肚餓。那麼可選擇甚麼？家長可選擇煙肉配雞蛋，因為它們有豐富的蛋白質及不飽和脂肪酸，又簡單如麵包塗上低糖花生醬，也是不俗的選擇，飽肚之餘又能提高能量及認知能力。不想用低糖花生醬的話，選擇牛油也不錯，相較植物牛油，它的多乳劑及防腐劑均較少，並能幫助人體吸收蔬菜裏的油溶性維他命A、D、E及K。另外，不少小朋友均愛吃零食，選擇以全脂奶甚至忌廉弄的雪糕，除具牛奶的營養，亦不會如froyo及雪葩般消化得這麼快，對穩定血糖及維持飽肚度有很大的幫助。還有，黑朱古力較多乾果、糖膠的穀物條健康得多，因為黑朱古力相對少糖並多鎂。肉類方面，營養師Keris Marsden亦提出，牛肉在維他命及礦物質方面，更勝於「健身聖物」雞肉，因為牛肉有幫助紅血球及肌肉生長的維他命B12。英國《每日鏡報》
來源:
http://hk.apple.nextmedia.com/international/art/20160516/19614076
【好爸爸】視障爸如何湊仔女 填表讀故事冇問題
1 :
GS(14)@2016-06-20 05:50:18家麟要用大放大鏡，才能看到表格上一粒粒的字。
「其實我們兩公婆的視力，可能在兩三年後，會完全看不見。希望在視力還有一點時，盡力幫小朋友正常成長，多帶他去不同地方。」吳家麟右眼全盲，左眼尚有不足一成視力，太太情況也差不多。我在端午龍舟賽上認識也們，他們參加失明人士輔導的龍舟隊去扒龍舟，就是要以身示範，雖然爸媽看得不好，但仍可以做自己真正想要的事。初見家麟，他正幫兩歲半的兒子換衣服，騎膊馬周圍行，手法俐落，以為他視力還好，那不足一成的視力，都是模糊的影子，像餵進進食飯時，他一擰歪面，家麟就把糊仔塞到他面上去，「我看不清楚他嘴仔嘛，所以他半歲就學會自己迎上嘴來吃糊仔。唔係就冇得食，仲整到一面都係！」他笑說。孩子漂亮的笑臉，要哄到好近好近才看得見。進進最愛到公園、歡樂天地玩，家麟覺得這是最困難的：「就怕他像濕水欖核飆一聲走甩，遍
進進還小不能自己一個盪鞦韆，爸爸陪玩，但看不見兒子飄來盪去的模糊影像，他說好恐怖。
填小一申請表像萬里長征
大把家庭怕照顧不周而卻步，索性不生，於是更多人問他，不怕把視障遺傳給孩子？家麟跟太太都喜歡小孩子，「視障者都有權利選擇有自己的家。而且我爸媽的眼睛都沒事，為何找有事呢？這不是遺不遺傳問題，是別把問題放大，當你怎麼面對問題的態度，才更重要。家麟本身就是個不服輸的人。視網膜出事後，經歷過一陣低潮，但很快又爬了起來，跑步，行山，參加毅行者，學扒龍舟，想做的事，遇山過山遇石劈石，沒甚麼阻得了他。而且今時今日手機在手，若手執魔法杖，新聞天氣交通路線統統都有發聲手機app可以代勞，進進想看故事書，家麟用最少要個半鐘，像萬里長征，「我盡了力，但我今年只報了四間學校。我有正常的同事家長都報了十多間。填表有時又會填出界，或者地址填錯去電話那格。」這些事找人幫手可快多了，「我都想自己經歷去做。趁還有能力，學業上我希望多參與。」他不會因為眼睛不方便，就不帶孩子去參加公眾活動，像學游水，那裏沒有專人照顧視障者，要帶他去更衣室，換衣服再去泳池，是有點難，「但我不想避開了，讓小朋友失去好多經歷。」這一切，為了孩子，也為自己。唯一真真正正，從心為進進做的，是半年前，給他帶來了大眼睛妹妹遙遙：「唯一沒法子是我們年紀大了，總有離開的一天，所以他們為進進帶來了妹妹遙遙，「覺得將來有甚麼事情，有個妹妹一起商量也好。也讓他學會如何照顧別人。」有這樣的爸爸，你會看到更漂亮的世界嗎？記者：陳慧敏攝影：徐振國
來源:
http://hk.apple.nextmedia.com/su ... t/20160620/19661027
【爆相爆片】帶仔女遊美國環球影城徐子淇甜啜老公 賀結婚十周年
1 :
GS(14)@2016-07-13 05:15:43【恩愛互咀】■子淇被本報讀者影到與老公在美國環球影城咀嘴，見枱下有幾對鞋仔，估計仔女去了玩機動遊戲。讀者提供圖片
嫁個有錢人做了千億新抱的徐子淇，現年才33歲的她已是4子女之母，今年是子淇和老公恒基二少李家誠結婚十周年紀念，上周六兩夫婦趁放暑假，帶子女遊美國環球影城慶祝錫婚，索爆人妻徐子淇當眾連環甜啜老公，兩夫婦於光天化日下表演激情和甜蜜兩種吻法，浪漫滿瀉！
徐子淇於2006年與李家誠假澳洲舉行世紀婚禮，榮升千億新抱的她婚後嫁雞隨雞，退出娛樂圈專心相夫做人妻，兩人的首名愛情結晶品於翌年出生，長女李晞彤於下周日滿9歲，之後子淇再為李家誕下現年7歲二女晞兒、5歲三子俊熹及9月大的四子建熹，9年生齊四子女的子淇，終於完成為李家繼後香燈的重任，今年可以輕輕鬆鬆跟老公慶祝結婚十周年。
【親餵老婆】■李家誠與子淇共享一杯飲料，更親自餵老婆飲。
【捉住錫錫】■情到濃時，李家誠捉實子淇臉頰錫錫。
【手舞足蹈】■子淇與老公在露天餐廳不時打情罵俏。
捉實臉頰脷叠脷
前日本報收到讀者鍾小姐「爆相爆片」報料，指於香港時間上周六凌晨2時許（美國時間8日下午），在美國西岸的環球影城發現子淇和老公蹤影，李家誠當眾攬實索爆老婆脷叠脷狂啜，光天化日之下放閃晒恩愛。鍾小姐接受訪問說：「上星期五下午兩點左右，喺美國西岸環球影城一間露天快餐店，初時見到得徐子淇同老公，佢哋坐埋喺中間位嘅一張枱，見到佢哋好開心傾偈，傾到手舞足蹈，仲成日嘴對嘴錫，我見到起碼錫咗4、5次，我都影到兩次佢哋錫錫。」
■去年子淇33歲生日，獲老公攬攬慶祝。資料圖片
■子淇上年為李家再誕下兒子建熹，老爺李兆基非常高興。資料圖片
■徐子淇退出娛樂圈後，專心照顧仔女。資料圖片
親餵凍飲晒恩愛
從兩張咀嘴相片所見，兩人情到濃時，李家誠用雙手捉實老婆臉頰，肉緊地吸實子淇的嘴仔激情啜爆，雖然周圍有很多遊客，但兩人錫到進入忘我境界，連前面近在咫尺張枱，有工作人員正在清理，他們都可以完全無視，繼續投入地熱情親吻，癡纏肉緊到爆；另一張啜嘴相，就見到着背心裙的子淇，露出少少養眼的雪白胸口，雖然已是4子女之母，老婆依然又靚又索，難怪李家誠情難自禁，用右手搭在老婆的香肩上，兩人嘴對嘴變身接吻魚，今次明顯錫得輕柔甜蜜，慢慢享受接吻的美妙。可能李氏夫婦去到美國，心情都大解放不用避忌，當眾啜爆晒愛之餘，身為恒基二少的李家誠，更親自餵老婆飲凍飲，兩人面前只得一杯冰凍飲料，你一啖我一啖繼續玩交換口水，鍾小姐表示：「李家誠仲餵埋徐子淇飲嘢，我覺得佢哋好恩愛，好甜蜜。」今次子淇和老公帶同子女去環球影城，兩人坐在露天餐廳休息享受二人世界，他們所坐的那張枱，下面放了幾對兒童鞋，相信是子女脫鞋或換鞋去了玩耍，鍾小姐表示：「大約半小時後，有幾個小朋友返嚟，小朋友多數係玩完機動遊戲，仲有幾個男人同兩個女人，我估係保鑣，因為佢哋周圍望，見到我哋攞住相機都望咗好耐。」採訪：皓騫
來源:
http://hk.apple.nextmedia.com/entertainment/art/20160713/19692057
老公猝死留下孤寡 堅強媽湊8仔女撐起頭家
1 :
GS(14)@2016-08-07 02:03:40英國北威爾斯一個家庭迎接第8個小生命，本應樂也融融，但身為一家之主的爸爸卻於此時猝死，連全家福也來不及拍攝，留下一屋孤兒寡婦。格林夫婦（James& Cloe Green）自小青梅竹馬，共育有4子4女，其中最年幼的3位女兒都患大腦麻痺，但一家沒申領政府津貼，全靠格林天天胼手胝足。格林太太說：「超級爸爸格林永不停下來。他送子女上學後就上班，然後又接子女放學。他會坐下玩遊戲及閱讀直到睡眠時間為止，他有無窮精力。」去年9月太太誕下第8名孩子，小兒子出生時重3磅5安士，留院數周後出院，格林當然是最開心的一個，因為他一直嚮往大家庭。可惜好景不長，去年12月4日，格林趁孻仔剛滿12周大，決定帶子女到倫敦遊玩。豈料在前一晚，格林坐在床上並停止呼吸。格林太太為丈夫進行心肺復蘇法並等救護員到場，但終返魂乏術，後來證實格林死於高血壓性心臟病。格林太太說：「這是多麼突然及令人震驚，一想到格林看不到眾多子女長大，我便心碎。當時我想哭，但我看看那8張小臉，他們全都需要我，我就知道我要為他們及死去的格林而振作。」如今27歲的格林太太要母兼父職，照顧8名11個月至9歲大的子女，幸好有親友幫她送子女上學。格林太太已向當局申領津貼，她說：「在最黑暗的時刻，我想不到在失去格林後我可以如何撐過去，我感到茫然。但我必須振作，我非常愛我的子女。」英國《每日郵報》
來源:
http://hk.apple.nextmedia.com/international/art/20160805/19724065
老婆介紹宋喆做經理人傳王寶強仔女並非親生
1 :
GS(14)@2016-08-16 06:11:20王寶強昨日凌晨宣佈同老婆馬蓉離婚，仲踢爆馬蓉同經理人宋喆婚外情。事件唔夠半日越爆越多，有大陸網傳王寶強曾經為一對仔女做親子鑒定，仲話經北京第二醫院證實，王寶強喺今年5月做過鑒定，而結果就話DNA相似度只有百分之2至8，指一對仔女並非王寶強親生。而網上有傳一張親子鑒定報告圖片，當中指「王小二與王寶強確認無血緣關係」，而王寶強囝囝原名王子豪，雖然王寶強不時稱阿仔做「王小二」，但就未佢會否用「王小二」之名為阿仔做親子鑒定。但隨即有網民指出呢張鑒定報告圖片係假嘢，係由微信朋友圈嘅搞笑軟體「裝逼生成器」做出嚟，並非事實。據知，宋喆喺2009年開始成為王寶強經理人，而介紹人有傳就係同年結婚嘅王寶強太太馬蓉。
來源:
http://hk.apple.nextmedia.com/entertainment/art/20160815/19736754
Next Page