ZKIZ Archives


陳啟宗家族橫掃哈佛

2014-03-13  NM  
 

 

個個發展商都北望神州,恆基李家傑啲鞋油仲擦到過曬界,相當核突。不過亦有人「一路向西」,講嘅係恆隆集團(10)陳啟宗家族。陳啟宗有個細佬,叫陳樂宗,而家係恆隆非執董,最近狂掃母校哈佛大學所在嘅哈佛廣場(Harvard Square)地皮。當中包括去年十一月、以一億多港元,購入麻省大道的三星級酒店Veritas,及去年四月,以二億五千多萬,掃入JFK街29號物業等,刷新當地成交。計計埋埋,佢都掃咗哈佛當地共九幅地皮,涉資八億港紙。

陳樂宗雖然低調,但就威咯,佢喺加州大學洛杉磯分校讀工程,再獲哈佛大學輻射生物學博士學位。佢幫手搞嘅家族基金Morningside(晨興),除咗捐獻成立中文大學晨興書院,仲投資內地嘅小米、搜狐等start-up生意;加上本身係生物科技專家,亦給力開發治療愛滋病嘅藥物。

不過咁,樂宗同阿哥啟宗,講嘢一樣出位。喺Morningside嘅網頁,講到明佢哋唔係傳統投資基金,事關佢哋「唔等錢使」,可以坐貨幾耐都得。有位「有心人」(定佢自己?),仲將陳樂宗歷年嘅公開演講製作成網頁,供人欣賞;睇來兩兄弟嘅性格,都一模一樣噃!

凌顯文名門身世

小宗最鍾意睇族譜,皆因一個人嘅性格際遇、出身影響咗一大部分!最近小宗就發現,誠哥御用建築師、亦即長實董事吳佳慶嘅老公凌顯文,身世原來相當顯赫。佢叔公叫王正廷,曾五次出任中國外長及駐美大使,熱忱體育,有「中國奧運之父」稱號,曾於一九一九年代表中國拒簽巴黎「凡爾賽和約」。外公王正黼,曾統籌東三省礦務,又創立燕京大學工學院。而凌顯文老豆凌宏璋仲勁!早年赴美讀書,為紐約布克倫理工大學電機博士畢業生,後研究半導體,亦替美國空軍製造咗第一張IC,享有專利六十二種、論文一百七十二篇,○九年才去世。凌顯文嘅家族,仲有人立書講述,佢啲兄弟姊妹叔伯……真係數都數唔曬。

忌講前老闆壞話

今期再講見工。我曾面試一個新人,他常將媽媽掛在口邊,說「媽咪唔鍾意我點點點,爸爸又想我點點點」,這些不太懂得獨立思考的人,多數不被錄用。還要提醒現時的年輕人:說話時不要太多中英夾雜,避開說潮語,例如:「超」乜乜、乜乜「囉」、「勁」乜乜等。說話的語氣要謙虛(也不要妄自菲薄),因為你不是和朋友或平輩在談話,而是與可能的未來上司談話。絕對不能說前老闆或同事之壞話,也不可透露前公司之商業機密。若遇到一些真的不懂得的問題,我建議大方的承認不知道,好過亂舂亂撞。公司是想找一些誠實可靠的人,而不是吹水冇料的伙記。見工者很多時會被提到:「請介紹你自己。」你要事前準備好一個簡單而有趣的答案,因為對方可能已聽了一整天不同的自我介紹。若你不能突出就很難突圍,試過有面試者說自己的興趣是玩魔術,並即場做了一個簡單表演,令整個氣氛輕鬆及有趣很多,令我最有深刻印象。見完工後,可以寫簡單E-mail答謝,若你覺得見工表現非常差,可以寫E-mail解釋原因,理由是可能你當天不舒服,或太過緊張以致表現失準。你可以請求給機會再見一次,若對方被你誠意感動,你就有一次翻生機會了!祝大家好運!

本週廣告估中咗!Hit Rate 20變1萬

開專欄開到如熟手技工嘅周顯(圖),喺本刊嘅app「壹週Plus」都有一個專欄,叫「肉食中環」,講嚇中環友嘅光怪陸離。由於齋文無片,剛開始時,只有十多二十個Hit Rate,後來隨著多咗人download,提升到幾百個,到最近兩期竟突然爆升至過萬。周顯


股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019