ZKIZ Archives


hw 兄論莊家


http://www.inv168.com/phpBB3/viewtopic.php?t=52161


首先攪清楚一樣野, 莊家唔一定唔好, 因為莊家可以有維持秩序既作用 ("台灣波鞋"會係一個好例子)
(greatsoup: 「台灣波鞋」是剛剛被人踢出成分股的那隻,個老闆有用股票按錢,又成日批股,應對資金有很大需求,做莊唔奇。)

莊家亦唔一定係一個單位, 有所謂既幫莊, 簡單黎講, 一班人坐一齊做野, 出面有集團式運作分工可以好仔細同埋同一時間為唔同既客戶提供服務.

細公司好多時老闆一齊炒, 好自然就會做埋莊家既角色.

新股或者老闆無水既, 亦有見好多外判, 有長有短, 有時志在掛牌時做場大龍鳳, 如果公司有概念既, 都會有人願意中線玩 (新股"豆漿"會係算中線)

大盤d 或者上市已經一段時間既有業務支持既公司, 即係所謂 "基佬股", 班基佬咪就係莊囉

有人話 #5 都有莊, 睇你點諗, 大基金挾埋大行吹蕭 呢種行為都可以係莊. 莊唔一定要有好多貨, 時機同氣勢會另人收起唔沽. 而且, 齊貨就唔係做莊啦. 大戶買齊炒上, 咁邊個有貨沽比你呢? 咪即係炒左上去個位大戶派比你囉.

最 PK既 "莊家股", PK 在乜呢, 就係佢地個 business modeal 係 "貨又要, 錢又要", 呢類股票, 股民鬥長命都無用, 因為永遠只係向下炒. 佢地每逢有大 concept 就求求其其攪個項目, 炒一浸, 散得幾多就幾多, 之後就慢慢收等下一次機會.

PermaLink: https://articles.zkiz.com/?id=7869

Next Page

ZKIZ Archives @ 2019