| ||||||
| 中 海油（883）董事長傅成玉舊年逆市加薪6.6%，1205萬人仔年薪，佢份人工比中石油（857）同中石化（386）兩個董事局加埋嘅總薪酬，仲要高 出465萬銀人仔。傅總咁高薪，當然成為內地傳媒聲討對象。前日，大股東中海油總公司公關急急出嚟澄清，話傅總份千萬年薪只係「名義收入」，並唔係實際入 袋嘅人工。 傅總捐畀總公司發落 公關解釋，中海油係以紅籌身份喺香港上市，所以高層嘅薪酬都會按照國際慣例，列明薪金同期權等 收入，但實際上，年報內披露嘅高層薪酬，只係「名義收入」，因為所有中海油高層都會將呢批收入全數捐番畀總公司，再由總公司按個人表現重新釐定薪酬，之後 經國資委確認先至執行，所以「實際收入」同「名義收入」會有好大分別。不過，無論中海油點解釋，大家最想知道嘅只係，究竟傳總舊年實際咗幾銀人工，不過 公關冇講到，唔通佢驚講出嚟，都會嚇親大家？ | ||||||