009-04-15 AppleDaily
| ||||||
| 中 港會計準則由07年起已經幾乎一致，但A、H股幾時只需核數一次，而唔再需要喺兩地double audit（雙重審核），真係一個不解之謎。講到底，香港業界擔心內地搶飯碗，有事爆煲起上嚟又冇權北上神州拉人，咁點為投資者權益把關？香港會計師公會 （CPA）前任會長Albert區嘯翔就同華華講，雖然呢個死結好難解，但都唔係冇折衷之計，最快仲可能年底一統中港報表o忝。 佢話香港會計師行大有條件 同內地同業深度合作，就係由前者嚴查後者嘅審計素質，只要中港監管當局設定較嚴謹嘅守則，有乜問題就由香港呢邊孭飛，咁其實冇乜蝕底。皆因隨着阿爺嘅國際 經濟影響力上升，相關金融服務業包括會計界「走出去」係必然，但要做埋香港呢瓣核數就好多顧慮，反而本港嘅中小型會計師行可以接多啲生意。事實 上，Albert自己做董事總經理嘅德豪嘉信會計師行（BDO），5月會同香港立信浩華合併，到時大中華區員工超過4300人，鞏固全球第五大會計師行地 位。 | ||||||