中環在線：李寧瘦自己肥員工 李華華
|
|
舊 年體操王子李寧因為喺北京奧運會開幕式跑最後一棒，並在半空點燃聖火，令公司品牌出盡風頭，但係大家唔好以為佢間寶號李寧（2331），就會出番多啲花紅 畀呢位老闆噃。據最新年報顯示，舊年李主席收到嘅酌情花紅大縮五成六，由216.7萬減到得番96萬人仔（下同），即使袍金同薪金加咗11.1萬都補唔 番，08年總酬金就減咗25.5萬，得番476.4萬。之不過，做人唔可以分分鐘咁現實嘅，李主席為咗以最佳體形跑奧運開幕式呢一棒，據佢自己講就瘦咗成 10幾斤，人最緊要健康，減少少收入算乜吖？不過，李生雖然瘦自己，但就冇待薄員工，例如董事兼行政總裁張志勇，舊年人工加咗2.52倍達360.1萬， 其他福利好似保險、房津同購股權仲加5.58倍，達1394.9萬，總酬金達2375.3萬，比李主席仲多1898.9萬，高4倍，咁嘅老闆實在難得。
|
| |
Next Page