二千萬購買力 如何再進一步?(答) Home Blogger
http://homebloggerhk.com/?p=8185你好先謝你細讀本人文章，另外文章是表達良好，資料鋪排有序的。這樣減少了筆者不少工作。講返讀者，大家可能沒有筆者這樣留意，其實對一個打工仔而言，有超過三百萬現金在戶口是很難的，你細看本blog每一個case，及依筆者所見，大部份人都是百餘萬現金在銀行，之後覺得錢洗左先至真正係自己，無心機再儲落去。
讀者月入平均了是110000,租金收入9200。即家庭月入用120000計。借貸力為120000*50%/10000*2.59=15.5mil. 而購買力接近二千萬。當然應及早為自己打算，現時在香港人工高都為管理層帶來危機。而現時借下的只是1.8mil+1.09mil,請趁後生借多一點。
如預算為7.0mil北角樓，建議買入而入手後之借貸力只用了一半，即4.2mil+1.09mil~ 35%。留意七百萬樓做唔到九成按揭，只可借到4.2mil。如有記錯請更正。所以今時今日係港島買個三房，對一個搵十萬月薪既人來說都是麻q煩的! 政策令市場上有購買力的人不能向上流，只係猛咁起細樓去益班公屋客。今日低下階層發完惡之後，他日樓價下跌令中產失去換樓機會，又為上街製造新力軍了。
如果讀者肯比三百幾萬首期，仲要打double印花稅，即7.5%之double=15%, 再加埋裝修雜項，百幾萬費用再加上首期三百幾，根本冇五百萬現金唔使諗。如果係外地人仲要多一百萬，根本係要準備七百萬現金，去借入一間七百萬既樓。
慳些少既方法，係要早點準備。先將三百萬收租樓轉做太太單名。而自己先要將自住樓賣出及後再買。當然這樣不方便，為既係老公一間老婆一間，慳返五十幾萬雙倍從價印花稅。現時出租樓由聯名轉單名是要按樓價之一半打印花稅的，比幾萬蚊為省回五十萬，十分值得。賣出自住樓可予長一點的成交期，因讀者本身有現金，可等換哂樓後才有資金回籠都未遲。對於個倉冇咩貨既讀者，趁而家仲買得起而入手三房為合理手法。