ZKIZ Archives


鄭裕彤私曾孫女曝光

2013-06-06  NM
 
 

 

鄭裕彤愛孫鄭志恒,早前被大字標題報稱背妻與女商人誕下私生女,並遭對方索取每年七百多萬元生活費。據了解,該女商人姓張,洋名Winnie,家族經營的燈牌生意,在東南亞地區名列十大。11年,Winnie與已有家室、有個兩歲仔的鄭志恒搭上,維持數月的短暫情緣。分手後,才發現懷有鄭家骨肉,Winnie希望跟他和好,卻遭鄭志恒一口拒絕。Winnie堅持誕下女兒,本刊得到一張母女近照,相中彤叔曾孫女生得非常精靈,但原來是早產BB,體質虛弱,並患有血管瘤。據知B女跟父親姓鄭,Winnie為保障女兒的將來,會一直向鄭志恒爭取贍養費,希望他能盡父親責任。正印自殺

現年三十五歲的鄭志恒,是彤叔鄭裕彤次子鄭家成的兒子,因父母離異,鄭志恒自小便跟爺爺同住淺水灣道十二號大宅,兩爺孫關係密切,外界更一度盛傳鄭志恒是彤叔第三代的接班人。現任新世界發展執行董事及周大福集團董事的鄭志恒,一直是城中的鑽石王老五,未有沾染富二代愛蒲習性,女友並不多,除女藝人趙彤,他與正印韓妹Nam拍拖多年,並育有一名兩歲兒子,但二人至今仍未註冊結婚,一家三口亦少有在公開場合出現。原本鄭志恒與Nam感情穩定,但兩年前女友產子後情緒出現問題,影響雙方感情,加上Winnie的出現,三角關係一度令正印走上自殺路。「一一年,Nam生完仔後情緒變化好大,兩個成日嘈交,Conroy(鄭志恒)有時會搵朋友吐吓苦水,Winnie係其中一個,佢哋本身早就認識,亦因為見多咗而撻着,拍咗幾個月拖。後來Nam知道Conroy出面有第二個女人,癲到割脈自殺,好彩冇事。Conroy知錯,決心二揀一,同Winnie講分手,點知Winnie話有咗BB,堅持要生,仲話自己會養,唔使佢負責。」知情者說。

女兒有血管瘤

堅持為鄭家誕下私生女的Winnie,遭鄭志恒拋棄後,亦得不到家人支持。「佢爸爸本來好錫Winnie,但因為呢件事都嬲咗個女,覺得佢太任性,冇顧及屋企面子。」與Winnie劃清界線後,鄭志恒與正印Nam重修舊好,感情更勝從前。但另一邊廂的Winnie,卻要獨自面對女兒不足月出世,以及龐大醫療費各樣問題。「當時Winnie早產,個女佗得六個月就出世,大過手掌少少,個女出世後好多病,又驗到有血管瘤,Winnie用咗好多錢保住個女。佢唔介意做單親媽媽,只係希望Conroy可以一齊承擔父母責任;Winnie搵過Conroy,但男方一直冇答覆。有報導話佢抱住個女,喺鄭家門口等咗三粒鐘無人理,根本唔係咁。「報導出咗街,Conroy同Winnie講數,話每個月俾番十萬蚊生活費,另外有司機俾佢用,亦會負責B女醫藥費。不過Winnie唔接受,佢要爭取一年七百萬贍養費,其中四百萬係個女出世頭一年嘅醫療保健使費,佢要求攞番,仲要Conroy幫個女買幾千萬保險。」知情者說。雖然各持己見,但鄭志恒亦未致對幼女不聞不問,據知他曾數度探望女兒,低調保持父女關係。

公開苦況

獨力湊女,Winnie花盡金錢同精神,她甚至將經歷輯錄成書,跟鄭志恒身邊密友「分享」。「B女出世時身體唔好,Winnie後來將整個經歷寫咗本書,再印埋派俾Conroy身邊朋友,當時佢係有啲情緒病,不過見個女一日一日咁大,Winnie都諗通咗,既然做唔成夫婦,都想小朋友生活過得好啲。」知情者說。有指Winnie於本週已發律師信給鄭志恒,為女兒爭取贍養費,而鄭志恒則透過新世界發言人表示:不回應私人事。至於Winnie,回應事件時態度強硬:「我唔識呢個人,佢一毫子都冇俾過!」

彤叔湊大

今年35歲的鄭志恒(Conroy),是新世界發展創辦人鄭裕彤的長孫,鄭家成的長子。小時因父母離異,鄭志恒一直與爺爺同住,兩爺孫感情深厚。在加拿大讀書的鄭志恒,99年取得加拿大西安大略大學(UWO)經濟學士後回港,他未有立即到爺爺掌舵的新世界集團任職,創業搞醫療網,成立大中華醫療網Cyber-Medic並任行政總裁,曾購入樂信藥業代理感冒藥,及出版《健康財富》月刊。彤叔放手讓孫兒自立一段日子後,數年前才下令鄭志恒返回身邊打理家族生意,現為周大福珠寶有限公司執行董事及新世界發展執行董事。

奀星阿嫂

記者在Winnie的公司等候期間,發現其家族常用的七人車,接載着已為人母的前無綫女藝員汪琳。追查之下發現登記車主是景華工程有限公司,兩名董事中,其中一人是汪琳丈夫張忠弦(Joey),即Winnie胞兄。景華工程是東南亞十大燈牌公司之一,旗下大客戶包括會展、奧海城、又一城及澳門威尼斯人等。身為Winnie阿嫂的汪琳,08年下嫁Joey後,於11年誕下女兒Kesha,之後離開娛圈專心相夫教女,過闊太生活。


鄭裕彤 鄭裕 曾孫女 曾孫 曝光
PermaLink: https://articles.zkiz.com/?id=56966

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019