|
||||||
|
兼職做司儀嘅電 台節目主持人L應邀到深圳主持一個地產投資講座，主角當然係香港地產商，由新進樓神K介紹香港樓盤及投資之道，甚受歡迎，有好多內地人出席，佢哋有聽聞香 港之「額外印花稅」，但對香港樓盤嘅熱情不減，大抵佢哋有的是現金，唔怕銀行收緊房貸，買完樓收埋唔住兩年（或由本港代理放租），視作等閒，額外印花稅唔 會嚇怕佢哋。有咗額外印花稅之後，樓價冇跌，只係香港短線炒家失晒蹤啫。何謂炒家？今日買，兩三個月就賣嘅人，就是炒家，是為投機；揸夠兩年先至賣，是為 投資，內地人多勢眾錢多，投資者來港買樓兼唔希罕移民，冇得阻止嘅啫。 地產K與一眾講者到深圳萬豪酒店吃午飯，呢間係五星級酒店喎，以為有 香港萬豪嘅水準，佢哋叫部長：「唔該同我哋寫啲嘢，由你發辦。」部長猛話得得得，好嘞，十分鐘後，先嚟叉燒包、雞包、雞腳，跟住就係麻蓉包、蓮蓉包，果真 食飽包食飽，眾人我眼望你眼，急忙自己叫小菜。上菜之時，女侍應將醬油滴落地產K件西裝，情急之下，拎條濕手巾就抹，地產K唯有苦笑，侍應跟住擺低杯可 樂，一時大力得滯，成杯可樂倒咗落地產K男助手嘅西褲，成條褲濕晒，女侍應又拎條手巾嚟抹西褲，助手連忙縮腳。司儀L不禁嘆一聲：「有冇得投訴？」席間有 人講：「金鐘萬豪咁樣搞法，就一定投訴，不過呢度係深圳，你想點？」內地建設係好快，但快到連訓練酒店員工時間都唔夠，新兵未操好就走上戰場，有乜辦法？
司 儀L返到嚟講起，左丁山笑佢：「有冇深圳客問起半山豪宅The Icon呀？你哋會點樣推銷清水房？」司儀L話：「冇，唔關我哋事，地產K佢哋唔賣呢啲樓嘅。」內地有不少清水房出售，內地人唔怕買嘅噃，不過干德道 The Icon清水樓，從電視畫面所見，好似係垃圾站兼建築廢料倉庫，確係幾肉酸，唔通搵人清理垃圾先至交樓都會傷及利潤？睇吓個樓盤嘅英文名又幾好笑噃，以前 領匯（The Link）上市因有人反對而受阻延，律師行Linklaters俾人開玩笑將個名拆開，叫做Link Later，o依家將Icon個名拆開就係I Con，正是汝曾被警告，願者上釣。 |
||||||