| ||||||
上週四，編輯和社長傾談有關本週三檢討大會的安排，社長突然有感而發︰「唉，我都好大壓力o架！」編輯心中一凜，暗想︰「莫非老細向社長施壓？係佢先俾到壓力社長啫。」未及反應，已見社長從櫃桶內拿出一封信，略帶尷尬地笑道：「有個讀者，期期睇住我寫嘅嘢，一捉到錯處，就整封信來，嗱，呢封係幾日前收到嘅。」兩人素未謀面，但書信往來已不下十次。編輯好奇起來，接過一看，寄信人名叫蔡崇保，回郵地址是大圍富嘉花園。究竟何方人士能令社長如此着緊？編輯即時「借」走該信，再委派記者，去會一會這位「高人」。 上週五，小記一早帶着果籃去拍門。眼前的蔡崇保身穿睡衣，是一位滿頭銀髮的老伯。八十歲的蔡老伯，並非學富五車的專業人士。一口鄉音的蔡老伯祖籍福建泉州，年少時曾在鹽場做出納，七十年代來港搵食，曾在鞋廠、製衣廠打工，他笑說：「我只係中學畢業，但平時收工就不停睇報紙，對數字特別有興趣。」退休後，蔡老伯成為「全職閱報員」，每日閱讀八小時，他形容：「好像返工咁。」週一至五早上六點多落街拿《爽報》及《晴報》，週六、週日就看兒子買回來的《壹週刊》。眼睛不大好，他便拿着放大鏡，邊看邊做筆記，「鋤」足兩日。蔡老伯拿起新一期壹仔介紹道：「我最鍾意睇前面嘅三篇評論，仲有楊懷康、陶傑、黎智英及李柱銘嘅專欄。楊社長推崇自由經濟，我都好贊同o架。」原來他亦曾去信陶傑及科大經濟學系主任雷鼎鳴，但音信全無，唯獨壹仔社長會親自回信，更寄來自撰的《經濟學勇救地球》一書。難怪蔡老伯大讚社長：「平易近人、無架子！」當然啦，全靠讀者的鞭策，壹仔才會一直進步。所以話，讀者才是壹仔的「老細」。（鄧詠筠） | ||||||