ZKIZ Archives


業績簡評 - 大快活集團 (0052.HK) [2012 1H] PARTIPRAL 派得好

http://partipral-hk.blogspot.hk/2012/11/0052hk-2012-1h.html


大快活今午公佈中期業績, 半年營業額微升7%至9.7億, 毛利率14.5%, 高於近年平均數字. 純利上升一成至6千4百多萬, 由於沒有期望過有強勁增長, 整體表現繼續穩中有進, 算係合格有餘.



香港分部作為集團主要業務據點, 最低工資實施兩年, 大快活成功控制成本之餘, 反而能夠藉此推高餐牌價錢. 始終羊毛出自羊身上, 只要品牌做得好, 仍然存在議價空間. 本地分店網絡仍然在擴張中, 快餐店比三月時多開5間. 大快活自03年重塑品牌後, 定位算比較地道, 普遍較容易為市民接受. 本地市場看似已經飽和, 但其實正在不斷汰弱留強, 過程之中大快活仍然有能力不斷提升市佔率.

中國分部表現令人失望, 新店數目突然急增固然對報表數字有影響, 但其實上個財政年度下半年內地業績已經開始反映北上擴展遇阻之事實. 管理層解釋乃因為內地消費力度放緩所致, 我同意, 但單單一個原因說服力並不足夠.

以我一貫理解, 大快活本身並非走中高檔餐廳路線, 不論消費者多錢少錢, 飯始終都要吃. 因此響香港, 過去一段日子就算經濟如何起伏, 對公司影響並不大. 按照邏輯推斷, 如果將此套方程式複製於大陸市場, 得出效果理應相去不遠; 如今實際情況出現如此偏差, 可能係因為內地消費群仍然未完全接受大快活其實並非高檔次品牌. 當佢地要選擇食平野既時候, 大快活並非佢地優先選擇. 因此若然管理層認為內地經濟放緩會對分部業績有影響, 即表示目前內地食店定位開始已經跟品牌自己有所偏差. 發展方向需要微調, 而微調亦需要時間, 投資者暫時對內地業績不用抱太大期望.

記得9月份出席股東大會時, 管理層早已放風內地業務相對早期計劃會有所阻滯, 相反談到本地生意時, 主席語氣明顯樂觀得多. 如今業績亦確實證明, 歸根究底, 都係香港好. 估值方面, 大快活現價$16.92, 假設今年全年每股約賺$1.02, 市盈率16.5倍; 正常派息率6成, 股息率約3.5%, 唔算特別便宜. 同一年前比較當然貴, 但大快活盤生意始終容易計數, 公司正正常常的話要重見11,12倍P/E其實比較困難. 當然可以繼續持有, 買賣策略方面則主要以低吸為主.
PermaLink: https://articles.zkiz.com/?id=40195

Next Page

ZKIZ Archives @ 2019