盈利估算領先市場半年
1 :
GS(14)@2018-03-19 04:33:31【本報訊】滙豐MPF中國股票基金去年錄得良好表現，陳淑敏提到其投資團隊的投資哲學，是從行業的上、中、下游及為時2至3年的行業結構性轉型中，尋找盈利超出市場預期的指標，提前部署獲利，「通常我哋領先市場6至9個月」。陳淑敏指出，H股過去10至15年盈利預警與股價關連度較多，「睇番過去3至5年，有60%嘅H股盈利好大調整，變幅達20%，所以我哋團隊會採用自己盈利估算，同條街偏離幅度好大，大行報告調低盈利預測前，我哋通常要比佢快6至9個月」。
買手機鏡頭股大賺
她舉例指去年最賺錢的股票為手機鏡頭股，升幅接近3倍，「我哋做好多產業鏈追蹤，例如我哋會問台灣、韓國、美國手機製造商趨勢，蘋果用雙鏡頭嘅滲透已經到70%，中國過去2至3年得5%，所以我哋覺得中國智能電話生產商都會跟住用」。全球手機鏡頭生產商不多，陳淑敏稱，「我哋就買市場份額最大嗰間公司，舊年我哋盈利估算比市場高30%，最後係超市場預期60%，所以股價升咗好多」。至於如何得悉手機製造商機種趨勢，她稱與內地手機製造商華為、VIVO有緊密聯繫，「通常手機型號出街前6至9個月，佢哋已經要做設計」。滙豐亦會聘請行業顧問探路，「中國好多公司都係喺私人手上，所以會搵顧問搵資料，令到我哋可以早着先機」。
來源:
https://hk.finance.appledaily.co ... e/20180312/20329429