七級偽術：網絡自衛術
1 :
GS(14)@2018-01-08 00:28:49由半信半疑、趦趄不前，到殺到埋身、唔到你揀，今之品牌，泰半已作了全身投入社交媒體的準備。無事無幹，社交媒體確係幾好玩，出吓post、收吓粉絲、呃吓like，小編輕輕鬆鬆同網民互動engage吓，平平哋叫做有參與網絡宣傳。風和日麗梗係人人笑，但翻風落雨時呢，你又準備好未？不用說到危機咁嚴重，網絡乃開放平台，打開門口見人，百貨百客，點會話無人投訴針對你，所以開得fan page就要有所準備，隨時見招拆招。視乎閣下行業是甚麼，管理員或小編的定位如何，處理刁難網民，也有不同做法。識得玩、適合玩，又聘得高明小編的，面對批評，當然可以高招啲化解於無形。例如扮矮仔玩自嘲（當然也要承諾改過）；笑笑口輕鬆否認（重點是真的冇錯，而且唔覺唔覺附以證據，以正視聽）。網絡年輕人主導，掌握到他們的脈搏和溝通方法，就可以四両撥千斤。若果嬉皮笑臉唔啱閣下品牌，就要走另一條路。首先冷靜啲，不要驚，也不要輕舉妄動。唔係有人爆你，你一定即時還拖的。幾嬲都好，深呼吸幾下，一邊揸吓壓力波，一邊諗清楚對方到底想點，end game係乜先？分析完才決定這人有否engage的必要，如果此刻未宜展開對話，不要勉強去馬。即使決定engage，也宜先試試以「線下」offline做，衝動的人最要面，眾目睽睽要佢軟化，並不容易。在線下，你要有offer畀對方都易啲。不過在公開平台，通常是禮多人不怪，無論對方多無理，總之千謝萬謝，保持儀態，等其他網民自己看清楚誰合理誰野蠻。彭瑪莉
[email protected]
來源:
https://hk.finance.appledaily.co ... e/20171219/20249190