|
||||||
三位年青才俊（左起：Clement、Jessica、Mike）投資方法各異，各有心得，三十歲左右已擁數百萬身家，可謂「條條大路通羅馬」。（嚴寶權攝） FCI投資策略研究總監、實德財富管理聯席總監梁帥聰（Clement）年齡：36歲感情狀況：已婚資產：約$500萬分布：30%股票40%買入樓宇收 租10%企業債券10%現金創盛理財董事陳寶琪（Jessica）年齡：35歲感情狀況：交往中資產：約$600萬分布：30%基金70%現金宏高證券經 紀及分析員梁杰文（Mike）年齡：28歲感情狀況：交往中資產：約$200萬分布：30%買入十多隻細價股70%現金 第一次見面 地點國際金融中心二期平台餐廳記者：記Clement：CJessica：JMike：M 記﹕目前市況咁亂，你們有何睇法？C﹕我較悲觀，覺得世界好似一部撞緊去個山度嘅火車，但所有人仲不斷喺度加燃料，例如美國印銀紙、歐債一拖再拖，根本無 解決核心嘅問題。J：我認同，但我覺得喺撞山前，會搵到另一條新嘅軌道，但每次經歷轉變（轉軌）前都係痛苦嘅。M：我覺得架火車去到最危急嘅時候，上面嘅 人點都會整停佢，唔通由得成架火車啲人死晒咩？依家我只係將三成資金放喺股票度，唔止因為個市差，而係覺得香港金融市場嘅監管不足，投資者好無保障，我未 來仲想增持現金。記﹕監管機構信唔過，所以你出書教人分析上市公司財技？M：無錯﹗喺香港，好多時有錢就會打得贏官司，唔同美國可以申請集體訴訟，輸咗先 要俾錢。以我觀察，香港無律師夠膽幫人打官司告地產商，因為怕日後人哋唔請番佢﹗C﹕講得好啱呀﹗你（記者）一定要出呢句﹗記﹕香港人喜歡揸磚頭，但你哋 當中有兩個手上都無物業，為什麼？J：我鍾意租樓住，住悶咗可以換。之前買樓都係當投資，最近已經出晒貨。C﹕我未拍拖已買咗樓，我向來覺得股市比樓市波 動，買樓可保值，風險亦較小。M：人哋成日話買咗樓先結婚，我覺得同屋企人住都無問題，中國傳統社會不嬲都係咁o架啦，最重要係有阿媽照顧嘛，哈哈。J： 你女朋友唔介意咩？通常女仔都唔鍾意喎。M：應該唔介意嘅……記﹕Clement打算生小朋友嗎？拍緊拖既Jessica同Mike打算幾時結婚？C﹕暫 時未有，我講咗我份人比較悲觀，唔想小朋友來呢個世界受苦，不過可能以後會有改變，呵呵。J：成家立室當然好啦，但我唔急喎，睇時機。M：我打算今年求婚 呀，你（記者）寫出來之後我就會求婚啦﹗C﹕搞錯呀，無晒驚喜﹗（眾人大笑） 嬌嬌女變炒樓殺手 在美國修讀金融的陳寶琪（Jessica），父親做生意，家境富裕，自小便向她灌輸理財觀念。自小在外生活的Jessica，個性獨立，沒有「公主病」， 讀書時亦走去打工，並將賺得的「外快」投資美股。「我好鍾意數學，加上讀金融，成日諗有咩可以投資。試過買生物股，竟然爆升五倍，開始對自己嘅投資眼光有 信心。」抱着「無嘢輸」的心態，Jessica大膽出擊，雖亦有失手，但到畢業時已累積三十萬資產。畢業後在美國的銀行打工，二千年回港任投資顧問，開始 接觸基金。「那時我同大家一樣，個個都走去買科技股基金，科網爆破後，試過蝕三成。」Jessica表示，但之後轉投中國及印尼基金，便贏了漂亮一仗， 「印尼基金試過大升六成。」Jessica笑說。 中港炒樓勁賺千萬 投資股票及基金主要是出於工作，Jessica做得最出色的其實是炒樓。○四年，媽媽在上海長住的朋友講起內地房地產有潛力，值得投資，之後更帶 Jessica到上海浦東睇樓。之後，Jessica便以數十萬作首期，買入浦東一個一百八十多萬（人民幣）的單位。○五年，她再與兩個朋友合資，每人出 資八十萬，以二百四十萬買入北京三環一層住宅單位，○八年以六百萬賣出，每人淨賺一百二十萬。○九年，上海浦東單位亦以六百多萬賣出，連匯率升值，一鋪勁 賺逾五百萬。除了內地，Jessica亦活躍於投資本地住宅。○五至○七年間，她先後以一百萬及二百四十萬買入兩個跑馬地的單位，再以三百零五萬及三百零 八萬分別於大坑、太古城買入兩個單位，一直放租。直至去年，Jessica有感樓價高企，並已缺乏上升動力，全數賣出，扣除買入價後，淨袋四百三十萬。礙 於市況波動，Jessica現將三成資金放於基金，其餘全為現金。「估計今年樓價會回落約一成，明年會考慮用一半身家再入市買樓。」Jessica指除了 住宅，還想嘗試投資商廈。另外，她認為金融海嘯後一直沉底的美國樓市已逐步見底，值博率或較內地樓市更高，「但要好小心留意區份，有啲區份唔好，點都升唔 起。」 跌低起身站得更高 二千年的科網爆破是不少香港人一個慘痛的集體回憶，亦是梁帥聰（Clement）在投資路上的轉捩點。當時Clement於香港大學工商管理學院畢業後， 在一間鐘錶廠市場部打工兩年，月入不到一萬元，卻在科網熱潮中，將積蓄約六萬元全數買入中國聯通（762），其後眼巴巴看着股價由買入時的十六元高位，急 插至三元。坐貨坐足七年，才返「家鄉」。 自修苦讀吃正升市 經此一役，Clement痛定思痛，開始鑽研炒股技巧，報讀投資課程，又埋頭苦讀財經書籍，試過放工後回家花六小時一口氣看完一本財經書。「初時非常着重 技術分析，後來發現投資股票最要緊要識得捉摸市場心理。」○一年，Clement轉職至外資資訊科技公司當業務顧問，月薪跳至四萬，手頭現金大增，努力儲 錢。○三年，Clement開始以數十萬入市，專門挑選受惠於周期性的「主題股票」作短炒，最明確是中國主題，如曾經大熱航運股中國遠洋（1919）﹑消 費股兼有可口可樂收購概念的匯源果汁（1886）等。「股票都有潮流，講話題性，但只適合短炒，例如一個月至三個月。」Clement表示，這次入市，吃 正數年股市上升期，至○七、○八市況高峰時，他的資產已經翻了三番。識買更要識賣，○八年，Clement覺得市場太瘋狂，於是逐步退市，只保留十分一的 資金短炒，因此金融海嘯時，他幾乎全身而退。一○年，重新入市後，Clement延用「主題」揀股法，「好似去年四月，金價幾乎以直線上升，我就睇好本地 珠寶零售商，買入六福同周生生，之後曾經大升七成。但通常呢啲主題股只會大升一季，之後就要再估下一個被熱炒的主題。」股市波動大，並非每次都能全身而 退，於是Clement○二年開始買樓，分散投資。先買入位於堅道的自住單位，近年再與朋友合資買樓收租。「我哋專買近市區嘅舊樓，如佐敦同油麻地，整靚 後放租，依家有四層。」Clement說，現時手上大部分投資都有穩定收入，喜愛挑戰的他，正研究投資做生意，「未諗到，趁後生，好多嘢都想試。」 炒股滿足好勝心 自小精於數理、智商高達一百四十的Mike，中學期間已對投資股票市場甚有興趣，「股市係規模最大嘅比賽，喺股市賺到錢，代表你贏咗嗰啲蝕錢嘅人。」 Mike的父親經營零件貿易生意，母親是老師，家庭優厚。於是，○三年甫入大學修讀港大工商管理及法律雙學士，Mike便以獎學金及積蓄，用十萬元作彈藥 入市。一開始，Mike只是抱着人買我買的心態，「那時買股票的方式，同一般師奶無異。報紙話邊隻會升我就買邊隻，嗰幾年個市好，基本上買邊隻都升。」當 時他曾買入中國人壽（2628）、大成生化（809）等「大熱股」，短短四年，十萬元本金已升值近十倍至近一百萬。 出書踢財技 畢業後，同學「爭崩頭」入外資大行，Mike卻選擇了本地證券行宏高。「呢度自由啲，我可以做自己嘅研究，而且接觸咗好多唔同層面嘅客人，更加明白市場上 投資者嘅心態。」Mike入行後，避免利益衝突，大幅減持手上股票，並專注於研究金融相關的法律及上市規則，發現香港的金融監管制度，對於投資者的保障極 度不足，如近期民企頻頻出事，證監會卻從未出手調查。「我遇過啲阿公阿婆，竟然連農行（1288）有喺A股上市都唔知。」於是，梁杰文近年不時到社區開講 座，向公公婆婆講解股市陷阱。 去年，Mike主動接觸知名的財經專欄作家周顯，在他提點下，Mike運用本身對法律及金融的知識，撰寫《香港股票財技密碼》，列舉真實例子，拆解上市公司如何運用上市規則及法律掠水，今年四月出版。 至於個人投資方法，亦與過往截然不同，Mike現專挑一些股東持股最少七成，本身業務簡單的不知名二、三線股，博其「賣殼」爆升，如卓亞資本 （8295）、嘉匯投資（8172）等十多隻交投疏落、甚至已經停牌的細價股，並長期持有。「一般人就咁睇我個portfolio會覺得好驚嚇，但我投資 係睇好長線，唔會理會周期影響。另外，我將所有股票提晒倉，持有實物，會出席股東大會，做site visit（實地考察），搵公司管理層了解公司運作同前景。」Mike一輪嘴道，現他將三成資產約七十萬元投放於股票，其餘全部為流動現金，「香港市場監 管太差，就好似你去茶餐廳叫碟揚州炒飯，食到一半見到有隻曱甴，但茶餐廳就話你應該一早檢查清楚晒碟飯之後先食，所以唔負責任，香港就係咁荒謬。」所以 Mike未來甚至想進一步增持現金，「大陸監管仲好過香港，如果可以買大陸股，我會第一時間去。」 |
||||||