📖 ZKIZ Archives

蘋果之道 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20120613/16420841
平時中午飯後就在中環商場散步，以幫助消化，大熱天時，中環空氣污染程度偏高，在大道中行好易身水身汗以致呼吸不暢順，但在置地廣場內行兩個圈，再行天橋 行去 IFC，大部份時間有冷氣享受，行二三十分鐘還算輕鬆。聽講可持續發展委員會與八十八個商場簽訂協議，商場氣溫設於二十四至二十六度，以示節能、環保。左 丁山唔反對，但就幾懷疑是否真的可以實行，譬如海港城，四面封實，每日人流在十萬以上，室內氣溫如設在二十五度，可能有不少人會行行嚇覺得頭暈。前年冬日 某夜左丁山在銅鑼灣崇光百貨行咗一個小時，即刻覺得喉嚨乾，落到街搵唔到便利店買水飲，好唔舒服，之後就咳咗一個月，以後都唔敢走入太多人、太焗嘅百貨公 司咯。
呢日中午在 IFC，見到 Apple Store內人頭湧湧，忍唔住吸引都走入去睇嚇，「蘋果」營銷術真有辦法，值得學習。返到寫字樓，收到朋友寄來一本中國出版嘅雜誌，叫做「銷售市場」，係 一本專門講營銷學（ Marketing），營銷渠道嘅雜誌，呢期（2012年四月號）有一篇講魚翅嘅文章，朋友叫左丁山讀一讀，但之前有一篇講「蘋果」給中國企業帶來的最大 教訓，講到 Nokia做手機，愈做愈精緻細小，但喬布斯做 iPhone，卻認為手機不是電話，而是一個玩意，打電話只是其中一項玩意，以此點出發，「蘋果」 iPhone就打垮了諾基亞，而且同時由「玩意」帶動，催生了一個 apps工業，眾多人靠 iPhone而活，難怪人人崇敬喬布斯。相反地，作者楊江濤、無形營銷機構首席顧問，就指出：「微軟默許盜版，結果就是毀掉了中國軟件業，百度的音樂免費 搜索，毀掉的是中國的音樂市場。有些人活著，會惠及他旁邊的人，有些人活著，別人就無法活。」這位楊先生講得真好，蓋茨係大善長，捐錢無數，死後會捐曬成 副身家，喬布斯生前不捐錢，「蘋果」也不捐錢，但喬布斯相信「作為企業家能夠做好自己的產品，本身就可以惠及許多行業和許多人！」
PermaLink: https://articles.zkiz.com/?id=34363
Next Page
ZKIZ Archives @ 2019