美國工業再執世界牛耳 唐德玲
1 :
GS(14)@2013-07-23 00:47:47http://www.skypost.com.hk/column ... %9B%E8%80%B3/102667
上週提到，早前我有幸聽到一位香港商界領袖的一次演講，談到美國經濟的前景。
他的看法是，大家以為美國的工業會日漸衰落，因為大部分工序已經遷移至第三世界國家，但其實，美國很有機會重掌工業大國的牛耳。我覺得，他的見解也有一定道理，所以想跟大家分享一下。
首先，過去幾十年，美國的工業發展有兩個主要掣肘，一個是美國要靠中東輸入石油；另一個是美國本土的生產成本太高，要將工序外判至第三世界國家，但變相也是受制於人。
頁岩氣機械人 技術突破
但過去10年，有兩項轉變可以扭轉美國的工業前景。首先，美國成功開發頁岩氣，令美國掀起一場能源革命。
所謂頁岩氣，是指被封在岩層中的天然氣，主要依附或以游離狀態存在於富有機質泥頁岩層及夾層之中。頁岩氣的主要化學成分為甲烷，含量一般達85％，最高可達99.8％，是潔淨能源的一種。
頁岩氣之所以成為全球焦點，主要因為它的蘊藏量豐富。根據國際能源組織的數據顯示，全球頁岩氣蘊藏量高達187萬億立方米，中國佔最多，達到兩成（36萬億立方米），美國則佔一成三（24.4萬億立方米）。
美國一早對頁岩氣進行開發，2000年時，頁岩氣的年產量只佔天然氣供應的1％，但截至2011年底，該比例已提升至25％。
另一項是機械人技術的發展日趨成熟，令到過去仍然要倚賴人手的工序，也可以透過機械人來處理。18世紀的第一次工業革命，其實就是利用自動化技術，大量生產，從而改變人類的生活。而美國近年在機械人技術方面的研究是領先其他國家的。
除了這兩項變化之外，與機械人技術剛好相反的3D打印技術，也是一個很重要的發展趨勢。所謂3D打印，我自己認為，準確來說，應該叫做3D製造，因為其實不是現在我們用部打印機打印文件那麼簡單。
姊妹們，幻想一下，未來妳需要甚麼生活用品，不必再到商店購買，在家打印出來便可，是否有點匪夷所思呢！
很多人認為，3D打印足以掀起「第三次工業革命」（第二次工業革命是指大量應用電力），顛覆了工業生產的方式，因為3D打印是運用加法的概念，把粉末狀的原料層層累積，製成需要的形狀。
3D打印引發工業革命
這種技術一方面為製造業帶來很多好處，因為藉此可省去鑄模的高昂成本，縮短生產時間，而且，製作精確度因數碼化大幅提高，有利生產細緻部件。
但另一方面，標準化、大規模量產的現代製造業生態將來必受衝擊。前工業時代的家庭式生產或會重臨，到時大家將同時身兼設計師、製造商和消費者三個角色，更可以利用網絡改善他人的設計，才自行生產。
現時一部家用的3D打印機仍然要大約近萬港元的成本，而且用途較狹窄，只要將來再降價至1,000至2,000港元一部，用途更廣泛的話，必定會像今日我們家裡幾乎每人一部電腦那麼普及。
現時中美兩國在3D打印方面的競爭也很激烈，大家都想做一哥，如果美國成功的話，未來美國的工業必定會再度雄霸全球！
[email protected]
【馮仁昭四圍超】20年冇唱廣東歌譚耀文推戲再執咪
1 :
GS(14)@2017-02-03 03:10:36譚耀文係第7屆新秀歌唱大賽金獎得主，但已經有20年冇唱廣東歌，最近為4月演出嘅《風雲5D音樂劇》再唱廣東歌《慾望面前》，日前佢喺中環接受專訪坦言：「呢個真係慾望，自己鍾意嘅唱歌同做戲擺埋一齊，覺得好親切。」咁多年冇唱有冇擔心唱功？佢笑話：「冇喎，有少少輕敵㖭。」阿譚為咗呢部音樂劇，推咗一部電影同一部內地劇，佢話：「20年先唱一次，梗係值得。」
■早前譚耀文（右三）同成班演員一齊宣傳《風雲5D音樂劇》。
■譚耀文（中）係第7屆新秀歌唱大賽冠軍，銀獎係何國星，而鄭秀文就得銅獎。
■認為做咁多年賺到最珍貴係家人嘅譚耀文，一有空檔就陪老婆同囝囝。資料圖片
「有白手興家感覺」
十多年前轉戰內地拍劇，捱咗咁多年嘅阿譚表示：「呢行好得意，今年係咁，明年可能唔係咁，冇永遠肯定感覺畀你，尤其我呢啲自由身，冇大公司支持。咁多年我賺到最珍貴嘅係家人，有幸福家庭，有白手興家感覺，太太照顧屋企好偉大，令我好放心工作。」喺內地有冇受過引誘？阿譚坦言：「自己有穩定感情冇諗呢啲嘢，其實我係一個幾悶嘅人，唔會風花雪月，做好工作一定有回報。」問到有乜嘢實質回報？阿譚笑笑口話：「唔係好多，咪就係住緊嗰層樓，都有三、四個商廈舖位投資，做咗30年嘢有啲揸拿，?家樓價癲到太離譜，我冇買樓好耐，諗到啲人冇樓住好慘。」鍾意香港定內地嘅生活？佢話：「香港因為媽咪喺度，仲有好多責任，一定係香港，工作就全世界都得，不過呢排唔敢拍古裝怕甩頭髮，已經冇乜喇，再冇埋就大鑊。」撰文：馮仁昭
來源:
http://hk.apple.nextmedia.com/entertainment/art/20170202/19914932