80後賣紅酒起家 轉戰工廈套現三億
1 :
GS(14)@2017-08-06 18:40:14■樂風集團葵興項目Loft Axis II將工廈拆細成多間工作室。
【周末專題】10年前，兩位80後本地大學生每人拿10萬元北上賣紅酒，賺到第一桶金後，回流香港搞化妝樓，食正樓市黃金期，200萬元滾到上千萬元。7年前被政府辣招搞到無啖好食，最後拉攏朋友創辦集團，招兵買馬轉戰工廈，千萬資金滾到變億元。
■周佩賢（左）及梁智基（右）曾翻新多個物業出售，後因政府推出辣招而轉戰工廈。 伍嘉亮攝
4年翻新40物業
80後的梁智基Sherman（樂風集團董事總經理）和周佩賢Carol（樂風集團創辦人）是中學同學，大學畢業後創業，Sherman稱：「由細到大都覺得唔應該打工！」因緣際會2004年北上賣紅酒，「食正佢哋興紅酒潮流，10萬變15萬，15萬變廿幾萬，兩年做幾轉，滾到近200萬元。」但他們不習慣內地生活及工作文化，如傾生意要先乾兩杯烈酒。2006年回流香港搞舊樓「化妝」，讀土木工程出身的Carol憶述當時睇咗好多樓，「睇咗個幾月，日日睇十層八層，總共睇200個單位，先買第一間物業。」物業為銅鑼灣舊樓，買入價逾160萬元，翻新後近3個月沽出賺約40萬元。4年間先後翻新40個物業，普遍持貨半年至9個月出售，200萬元滾到上2,000萬元。好景不常，2010年政府出辣招，住宅無得炒，Sherman嘆：「暫停，睇清楚究竟政府想點，發現住宅好明顯係冇得玩……2012年confirm住宅肯定冇得做！你見政府取態，無論正路、唔正路嘅方法打擊，無謂爭持。」近兩年無做化妝樓，經紀介紹他們買工廈單位，「經紀掟親啲（工廈）盤，唔係1萬呎就9,000呎……香港邊間公司、邊啲行業仲需要1萬呎嘅地方呢！我哋驚客源呀……」見拆細工廈單位有市場，適逢志同道合朋友，引入策略性投資者成立樂風集團搞工廈拆場。第一個工廈拆場位於葵涌，以約1,000萬元買入5,000呎單位，分間8伙，每個售約200萬元，近3個月沽清，套現約1,600萬元。Carol稱：「開頭參照發展商銷售手法，搵經紀、定價單。我哋認為做任何一樣嘢，就喺市場搵個最優質嘅人嚟參考，邊個？新地。」過去5年已銷售11個工廈拆場，套現3.2億元。
來源:
http://hk.apple.nextmedia.com/financeestate/art/20170806/20112938