二五中環 萬南 網紅直播行商場 引2,800萬人收睇
1 :
GS(14)@2017-06-19 00:38:03http://www.metrodaily.hk/metro_c ... %E6%92%BB%E8%A8%82/
暑假就嚟到，各大商場又會有一系列推廣活動，不過來來去去都係搵卡通人物或者人氣偶像撐場，會唔會悶親啲客先？話說尖沙咀某大型商場就同網絡紅人合作，搵嚟內地最熱網紅「小P老師」(圖)，透過直播帶住一班粉絲行街，究竟可以呃到幾多Like？
呢位小P老師被譽為「美麗魔術師」，特登由北京飛嚟香港，喺5月25日做咗個直播，專誠揀咗幾間內地搵唔到嘅美妝店，推介唔同產品，仲即場親自示範有幾好用。據聞今次呢個合作計劃，淨係條直播片嘅累計瀏覽播放次數，已經超過2,800萬人次，更打破微博喺香港做直播嘅最高觀看人次，仲刷新埋小P老師嘅個人紀錄，唔知會唔會引嚟其他商場抄橋呢？