中環在線：經紀揸的士幫補生計 李華華
2008-11-21 AppleDaily
港 股每日成交額得番400幾億，同舊年高峯期千幾億無得比，股票經紀嘅佣金收入自然縮水一大截。證券及期貨業職工會會長王國安噚日話，知道有啲經紀入不敷 支，收工揸番一更的士幫補吓都唔出奇；又有人晚上重操故業，幫人做會計計吓盤數。好多老經紀一年搵幾年錢，預咗經濟有上有落，最慘係嗰啲入行無耐嘅新丁， 冇乜客路好難捱落去。
王國安趁機大讚中小型華資證券行有人情味兼生命力強，到o依家仲頂得住，未見裁員潮，唔同銀行一句商業決定，為咗業績靚仔啲就狠心裁員。不過，華華知道好多經紀都係自負盈虧，過唔過到冬都仲係靠自己。
新丁冇客路難捱
證 券經紀業協會主席李耀新話，銀行界掀起裁員潮，部份被裁員工轉行做無底薪經紀，佢哋人際網絡好，比啲畢業生更具優勢；至於證券行畀嘅租金係固定成本，o依 家只不過開多個位畀經紀做生意，唔會加重經營壓力。佢又慨嘆舊年實在太好景，變得咁快要時間適應，好彩業界經營環境仲未去到沙士嗰陣咁惡劣。