ZKIZ Archives


【#PTBF】一工都係得四嚿22歲出租男友爆行規:有feel就有性

1 : GS(14)@2017-04-29 23:41:35

Peter(化名)話入行年半,大概一共賺咗萬幾蚊



「其實說穿了,係做鴨!咁我係做緊呢樣嘢,我唔會同你講有分別。我哋會比較有道德啲,即係我哋唔會係又做,唔係又做。」



Peter(化名)22歲,係一個普通文員,同時亦都係一個兼職男朋友(Part-time boyfriend)。每個ptbf同ptgf之所以「入行」,都有唔同嘅原因;有人因為還卡數﹑有人因為買名牌﹑有人因為要幫屋企人還債……不過Peter嘅原因卻只係「貪玩」,「我相信本身我自己貪玩,嗰時得閒冇野做,份工得閒得滯。好奇心態驅使下開咗個IG就試吓,等咗一段時間,大概一個月度,就約咗第一個喇。開頭心態已經唔係為錢,純粹係貪玩嘅心態。」Peter仲話如果係等洗錢,倒不如去「炒散」做侍應。



Peter(化名)真係好小心,就連手錶都除埋,廢事被人認得

只要在instagram打相關hashtag,就會有唔同嘅ptbf收費plan

訪問嗰陣,Peter郁都唔敢郁,擔心側面會被影到

作為女仔,搵ptbf要畀錢之餘,仲要付出埋身體。點解咁蝕底都肯?Peter解釋只因「寂寞」兩字:「佢哋約得都係想人陪,做一啲男朋友會做嘅野,而唔係friend會做嘅嘢。可能佢哋冇男朋友或者可能悶。唱k揾個男仔陪下你,幫你蓋吓衫,拖下手。」Peter仲好專業,會做足本份同埋交足功課,畀對方有拍拖嘅感覺,「點都會氹少少嘅,人哋畀咗錢你,你都要畀番少少功課人。即係好似你落酒吧溝女,你畀番少少功課先溝到人o架嘛。」真係估唔到依家連做ptbf,都要咁pro呀!



食飯唱k、行街睇戲,呢啲真係拖友會做的事;但做得ptbf,真係只有咁簡單?Peter就好坦白咁講,佢會接受同客人發生性行為,但都講「feel」o架,「其實你講得出嘅,我底線接受到都會做,而我嘅底線係唔好一嚟就去到sex。可能要約咗一次,例如你唱完k……願意情況下開口問我,咁我就會考慮。」問到佢當係純粹做嘢,抑或會投入感情,Peter話:「放少少感情,唔會太多。因為你只當係duty嘅話,又好似對佢好衰;你放感情又好似呃咗佢,所以通常都係一次唱k,佢想先會做。」不過感情還感情,數目要分明;若果要發生關係的話,就要另外收$400,房錢仲講明係對方畀o添;至於好似SM(性虐待)呢啲特別玩法,佢就話多多錢唔會接受喇。



對於ptbf同ptgf,唔少網民都會話佢哋係「雞,全部都是雞」;Peter都好有霸氣咁回應:「我哋係做緊呢樣嘢呀,吹咩?我哋只係想將嗰樣嘢美化得好啲,等我哋過得舒服啲。把口喺人地度……即係我哋都有自己嘅原因。」最近一眾ptgf被一個網上平台追撃,公開晒佢哋嘅相,Peter都話比以前更加小心,「通常我都要求客人去啲比較私隱度高嘅地方,例如k房或戲院。食飯都可能揀啲最角落位置,同埋都係我背住出面。」



最後問到Peter打算做幾耐,佢就斬釘截鐵話:「如果有女朋友就Stop喇!可能冇啦啦聽日瞓醒,我唔想玩,咪熄咗佢囉。總之有女朋友就一定Stop。」文﹑採:植詠珊(Cathy)攝影:Neo﹑峰編審﹑剪接:Kaman難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170429/20005392
PTBF 一工 工都 都係 係得 得四 22 歲出 男友 行規 feel 有性
PermaLink: https://articles.zkiz.com/?id=331949

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019