中環在線：王建宙顯大將之風 李華華
2008-11-19 AppleDaily
呢幾日又係一年一度流動電話界盛事GSM Congress大會嘅大日子，一如往年，香港傳媒天未光就坐船過大海，去澳門睇睇我哋港股龍頭中移動（941）話事人王建宙有乜要講畀大家知，事關佢舊年就係趁呢個場合，爆響口話傾緊引入iPhone。
今年，王總嘅message係──「阿媽可能會回購」，941粉絲收到啦！不過，華華想講嘅唔係回購，而係王總越嚟越有國際電訊企業一哥風範，以全英語做主講嘉賓，又明知成班記者晨咁早捧佢場，唔使大家點追就企定定任問，等大家唔會白行一趟。
常小兵帶記者兜圈
至於出席同一場合、啱啱做咗內地電訊業「二佬」嘅新聯通話事人常小兵，要成班記者跟佢圍住會場走兩個圈都唔肯點答問題，出席會議時又要用耳機聽普通話繙譯，睇嚟佢要蒲多啲國際大場合學吓嘢嘞。