ZKIZ Archives


田北辰:與葉劉組黨無深思熟慮

1 : GS(14)@2017-04-17 07:12:14

田北辰。易仰民攝



【本報訊】田北辰政治上第二段婚姻再度分手收場,有別於2010年退出自由黨,田與葉劉淑儀今次「分後」火花四濺。田坦承「再婚」前未經深思熟慮,透露因新東立法會選舉要找「外援」而不在內揀蟀感心灰意冷,點名指如公民力量譚領律是人選,葉劉卻極力推薦容海恩,大嘆:「我連揀第三個partner(拍檔)都冇input(參與)」。葉劉2010年還未加入行會時,在反對將強拍門檻降低一役表現勇猛,令田北辰認為她會「向選票說不」,一年後締結良緣合組新民黨。隨着葉劉加入行會要與政府同一陣線,近年與中聯辦關係越來越密切,令他狠心斬纜。是自己變心還是情人變樣?田坦言組黨時不知道對方是否已經想選特首,而加入行會對參選特首有幫助,亦須與中央關係密切,「我諗佢個人內心真係冇變,因為佢有一個理想,令佢必要變」,只能以未夠深思熟慮形容這場政治第二春。葉劉在特首選舉後明言新民黨要擔當「開明建制派」,有否想過再給雙方一次機會?田直言不認為對方會改變,「個西人(葉劉競選辦總新聞主任Mark Pinkstone)出嚟講嘅可能佢(葉劉)心裏頭感受到嘅嘢(指中聯辦干預選舉),佢都劃清界線,就住就住,你就住啲乜呢?點解要就住?(或者)佢可能都仲有計劃。」



新東揀蟀被拒 意興闌珊

田重申「分手」沒有對或錯,只是雙方對事件有不同看法。至於葉劉說他退黨是因為「男人要多啲空間」,他笑言不明白退黨與性別有關。除了一簽多行封頂等政策及立場定位上的分歧,田北辰透露尚有一事令他意興闌珊,指去年新界東立法會選舉,他當時力撐在與新民黨合併的公民力量中揀蟀,「我係撐喺佢哋入面揀個人出嚟,不過我輸咗,我說服唔到個黨。我真係唔相信公民力量入面咁多人、咁多後生仔,冇一個我哋可以栽培,要去請外援?呢個亦係其中一件我好冇癮嘅嘢。」新民黨最終由缺地區實戰經驗的大律師容海恩戰新東,外界盛傳容獲中聯辦推薦,田只稱:「我冇嘢係針對Eunice(容),我唔知Eunice背景係點,總之葉太推薦佢啦」,繼而強調他日若退休,亦會在自己的團隊揀蟀:「我哋入面咁多人,都揀唔到個人,要搵外面嘅人?你諗吓心情會係點,呢啲真係大是大非」。他連新東出戰代表亦有心水,就是排在容海恩名單第二的西貢區議員譚領律,「我幾欣賞佢,個樣幾好吖」,可惜最終也要外求,「呢啲咁嘅嘢會令到我真係……」。■記者陳雪玲




來源: http://hk.apple.nextmedia.com/news/art/20170417/19992327
PermaLink: https://articles.zkiz.com/?id=330801

Next Page

ZKIZ Archives @ 2019