ZKIZ Archives


大劉慳啲使 扶助窮困家庭

1 : GS(14)@2017-04-13 00:23:59

■劉媽媽生前叮囑大劉多幫助貧苦大眾,所以大劉都好積極做慈善公益事務。(版權所有.嚴禁盜用)



【劉鑾雄講大劉】【連載系列之十四 為善最樂】十大富豪劉鑾雄(大劉)一向花錢很豪爽,其實他做慈善亦貫徹其豪爽風格,只不過他做得低調,自96年開始成立劉鑾雄慈善基金,所捐款項已逾30億。大劉又以母親劉葉淑婉之名,開了一間名為「劉葉淑婉紀念慈善基金有限公司」,名下有自修中心,幫助窮困學生,位於石硤尾。



■大劉以母親名字命名的劉葉淑婉紀念自修中心,為年輕人提供一個讀書地方。

■自修中心常舉辦興趣班,設施也相當完善。互聯網圖片


對石硤尾有情意結

大劉日前接受本報專訪時表示:「石硤尾對我其實都有啲感情,因為我爸爸六十幾年前開過米舖,後尾冇做,租咗俾人開茶餐廳。我十一、二歲已經去嗰度收租。嗰區真係比較貧窮啲,同埋多潮州人。」有時大劉睇新聞,見到一些個案很慘,他會主動幫手,例子多不勝數。他說:「我哋捐嘅錢,係有感而發去捐。日日都有做,成個家庭咁樣幫。」大劉好鼓勵年輕人有上進心,所以沒錢求學的學生,一般向他的慈善基金求助,他們都會資助,所謂「授人以魚,不如授之以漁」,有見及此,大劉亦有以獎學金方式為有需要之群眾提供幫助,他表示:「我成日同?家嘅太太講,我寧願自己慳啲使,幫得幾多就盡量幫。我哋希望可以由小學幾年班,幫到讀緊中學、大學,好多香港啲學生,冇錢去外國讀書,去英國澳洲,我亦都有資助佢哋幾年學費,直至佢哋畢業,希望佢哋脫貧、自力更生。」除了提供自修室,慈善基金還會舉行很多活動,如補習英文、興趣班等等。大劉表示:「有啲好慘㗎,佢哋同我講,要搭個幾鐘頭車先出到去政府啲公共圖書館用到電腦,我哋即刻買部電腦畀佢用;冇錢上網,我哋又畀錢佢上網。啲細路哥,唔用電腦,用珠算呀?」大劉又指好多單親家庭都好慘,他都有提供幫助:「香港啲看更、貨櫃車司機,上大陸搞大咗大陸女人個肚、生咗一兩件,就走咗去。最慘係你拎綜援都冇用,得嗰七八千蚊或者一萬蚊,都唔夠用。一個大人幾個細路,我哋幫好多呢啲。」


嘆年輕人不懂感恩

雖然大劉好肯幫年輕人,但他也感慨一些受資助而脫貧的年輕人不懂感恩好好盡孝道對父母:「好多人得到幫助之後,就冇咗下文,冇任何回饋。有個單親媽咪,喺政府做清潔女工,洗公廁,含辛茹苦養大個咗個女,送個女去英國讀精算。結果個女去到嗰邊,嫁咗個印度人,移民咗去印度,連阿媽都唔理,你睇到都好傷感。人性就係咁,有幾多人識感恩?見到有需要嘅時候咪幫一幫,扶一扶。」採訪:陳月媚



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170412/19987323
PermaLink: https://articles.zkiz.com/?id=330267

Next Page

ZKIZ Archives @ 2019