二五中環 萬南 C組券商難做 頻頻賣身套現
1 :
GS(14)@2017-04-10 03:17:32http://www.metrodaily.hk/metro_c ... %E5%A5%97%E7%8F%BE/
話說耀才證券(1428)發盈警，指未經審核盈利大約跌18%，理由係魚缸收縮，但另一邊廂，舊年係歷來新增券商數目之冠，一口子增加接近50間，同時亦係有史以來最多券商的紀錄，好多老友都跳槽加薪，非常咁熱鬧。
再睇聯交所剛出舊年數據，A、B、C組券商盈利齊跌。所謂A組，即成交首14名經紀，以外資為主，排第15至65屬B組，其餘便屬C組。睇番舊年數據，C組盈利大跌八成，四百幾間券商夾埋賺13億，平均計每間賺唔到三球，少得好憐。缸湖老行尊話近年佣金勁劈價，有好幾間更做零佣，搞到市場相當爛做，對C組券商打擊最大。
老行尊話部分C組券商做到心灰意冷，近期都有意賣盤算咯，因為開新券商需時籌備，起碼要搞4至5個月，所以有啲老闆心急趕科場，就索性買間現成券商返嚟，費用只係多幾球。至於點解有券商長期唔收佣，靠乜維生呢？老行尊形容醉翁之意不在酒，只求你懂的Turnover。