人氣不及曾俊華「做嘢唔會要人鍾意我」
1 :
GS(14)@2017-03-04 00:23:42【本報訊】因為一句要延續梁振英政府的政策，林鄭月娥自參選以來便被民主派封為「梁振英2.0」，林鄭昨強調與梁振英「係好唔同的兩個人」，希望一旦當選，能在政府包容性、行政立法關係等方面注入新風。對於人氣不及對手曾俊華，她坦言：「有啲嘢咁短時間學都學唔嚟，追都追唔上㗎嘞，聽其自然啦」，表明推動政策前，不會考慮市民是否因此喜歡自己，否則會影響制訂政策時的客觀性。
否認是梁振英2.0
曾指「梁振英2.0」封號是個包袱的林鄭，昨強調與梁振英是截然不同的人，認為民主派有關批評只是出於選舉原因，涉政治因素，繼而指自己政綱聚焦處理教育問題，但教育界選委仍不給予任何支持，「咁係乜嘢原因？只有一個原因，就係政治同選舉原因」。30名教育界選委最終全數提名曾俊華。問到有否考慮調整處事方式令港人更喜歡自己時，林鄭即指：「作為一個公職人員，從來喺我對自己嘅要求，都冇呢個要求，話要人喜歡我或者鍾意我，或者係受歡迎，如果唔係好多嘢你就會好窒礙」，反駁指「你每次去推動政策、制訂政策，如果你腦海裏面去諗呢樣嘢：會唔會令我嘅民望加分？會唔會令到市民鍾意啲我？（這樣）會令我哋制訂政策嘅客觀性受影響」，表明受歡迎與否，從來不是考慮因素，「往時唔會，今日選舉唔會，日後都唔會」。對於會否叫停中聯辦干預特首選舉，林鄭堅稱社會不同人士都可就特首選舉表達意見，「並不存在我去教每一個人、每一個團體、每一個組織，喺選舉時嘅行為係點，因為已經有啲選舉條例規範，大家都要依法來辦事，我只係做我自己做嘅嘢」。事實卻是有選委表示收到中方人士來電施壓，林鄭指出，「咁咪嗰啲人自己出嚟講囉，即係老老實實，呢1194人（選委）個個都真係有獨立思考能力㗎嘛，點會話收個電話，就乜嘢物嘢呢？」問到中央是否除她外不會委任其餘兩名特首候選人時，林鄭昨日指「呢個我唔知道」，又稱未聽過前特首董建華發表有關說法。問到一旦當選會否跟進梁振英UGL事件，林鄭稱要由廉署決定，「廉政公署如果查緊，咁就繼續查啦，我唔覺得做行政長官嘅人要干預囉」；至於特首必然校監制是否需要檢討，林鄭指2015年大學資助委員會已發表報告，認為必定要在整個管治議題層面處理，不能只抽出特首必然校監制作檢討。■記者林俊謙
來源:
http://hk.apple.nextmedia.com/news/art/20170303/19946103