因黃夏蕙得罪TVB高層馬蹄露被雪藏9個月
1 :
GS(14)@2017-02-12 13:52:35當年喺《真情》飾演野蠻千金小姐May May嘅馬蹄露，喺情人節當日將會喺屯門舉行演唱會，唔經唔覺已經入行接近廿年，昨日周刊報道指，原來馬蹄露試過因為黃夏蕙而被雪藏，一度因為生計問題，諗過退出娛圈。馬蹄露又話嗰陣公司叫佢喺一個搞笑節目扮黃夏蕙，點知佢好直接話唔得，之後俾藝員科叫咗去「照肺」，最後因為啲人話佢似黃夏蕙，已經搞到佢好唔開心，點知仲要扮佢！結果馬蹄露被雪藏9個月，加上收入有限，佢一直都冇俾家用屋企，試過有一年喺農曆年諗住俾1千蚊媽咪，但係媽咪擔心佢冇錢，叫佢留番俾自己，令馬蹄露諗過想離開呢個圈！不過馬蹄露話珍姐知道佢嘅經濟問題，即刻調整咗佢啲騷錢，所以佢冇選擇離開，到咗第二年，因為市道唔好要減薪，減幅比當日加俾佢嘅數目仲要多，本來佢有諗過走人，最後同TVB協調，再加上佢啲戲癮真係好深，改變主意繼續做，馬蹄露仲話慶幸自己雖然收入有限，但總算唔使問人借錢度日，上天俾咗一把好聽嘅聲音，等佢可以繼續唱歌，經過黃夏蕙呢件事，佢話當時真係唔應該講呢啲說話，做藝人真要多啲嘗試！
來源:
http://hk.apple.nextmedia.com/entertainment/art/20170212/19925886