資料冊主編：加個人理解
1 :
GS(14)@2017-02-07 05:08:03【基本法教材偏頗】【本報訊】《蘋果》昨日報道，由教育局資助、左派團體教聯出版，免費派予全港中小學的《一國兩制在香港的實踐》資料冊部份內容被指偏頗甚至錯誤。資料冊主編、教聯副主席胡少偉昨接受商台節目訪問時指，該冊稱2003年傳媒及公眾廣泛批評和誤解廿三條立法，「大家都知道係事實」；但他承認資料冊並非只講事實，也有編者對一國兩制的理解。
「係部份人覺得誤解」
主持人詢問胡少偉所謂「事實」有何理據，胡解釋，「好多人當時以為（廿三條）係條新法例」，其實部份立法內容本身存在於現行法例。主持人質疑胡少偉由此推論公眾誤解而上街的說法是否以偏概全，胡少偉答：「你做報紙、做電台都知啦，事實，老實講，搞過歷史嘅人都知啦，大家唔同角度睇嗰樣嘢係可以爭論，譬如我哋思考問題都畀大家爭論㗎」。主持人隨即反駁，個人判斷並非事實陳述，胡就指資料冊並非只講事實，「我講緊我哋一國兩制嘅理解喎」，「誤解係部份人覺得誤解，部份人覺得冇誤解。我覺得對法案有冇誤解，唔同人一定有唔同觀點，我就覺得有人對法案有誤解囉」。即使《大公報》去年形容該冊為「免費教材套」，胡昨堅稱該冊只是資料冊，反指「有人誤解係教材」。■記者于健民
來源:
http://hk.apple.nextmedia.com/news/art/20170207/19920546