賀哥哥22歲生日 Jacky仔計劃復出拍戲
1 :
GS(14)@2017-01-07 07:08:09童星出身嘅Jacky仔王樹熹，唔經唔覺佢今年已經18歲，仲入咗城市大學嘅媒體與傳播系。可能o依家大學嘅生活暫時仲好輕鬆，所以Jacky仔讀書之餘，計劃復出拍戲，所以見到佢好勤力更新自己嘅社交平台，等大家多啲知道佢嘅近況！前日Jacky仔又更新微博，今次貼咗同哥哥王秉熹(Jeffrey)嘅合照，原來當日係哥哥22歲嘅生日，佢哋一家人去咗食韓燒慶祝，仲送咗啲哥哥想要嘅嘢當係生日禮物，查實當年佢哋兩兄弟都拍過唔少戲，睇到佢哋o依家長大成人，感覺真係好好親切。據知Jeffrey今年5月會畢業，不過王媽媽曾經喺微博留言，話阿仔去咗英國一年做交流生，所以要補返啲學分，兼要補修多一個學期先可以畢業，王媽媽仲話佢決定畢業後，希望可以快啲做嘢學習唔同拍攝技巧，唔知將來會唔會有一日，兩兄弟一齊合作呢？
來源:
http://hk.apple.nextmedia.com/entertainment/art/20170107/19889377