智取大市：港股一月博盡？
1 :
GS(14)@2017-01-05 07:59:412016年震盪市場事件確實多，仍搞唔冧港股。2017年，美股高不可攀，中國樓市繼續玩倒數，二選一危機喺2017年隨時爆發，時間越推遲，危機感越大，幸好呢兩個因素未喺年初發酵，加上美國加息已部份消化。與此同時，呢個時候唔少人仍然抱住危機心態去睇港股，唔敢揸太多貨，同時喺恒指市賬率1.2倍唔夠嘅低估值之下，種種因素有利港股，1月份最有機會成為港股2017年裡面天朗氣清嘅日子，暫可睇高一線。今年機會未必多，大戶抱住今日唔知聽日事心態，一有機會梗係博得盡，升勢未必弱，所以呢段時間值得持貨一博。坦白講，2016年測市能見度低，2017年，同北京霧霾能見度冇乜兩樣，最多能睇一兩個月內嘅事，所以暫時只睇好港股到2月初。每次市場感覺良好、令人覺得可以安全入市時，反而係食糊嘅時候。金風科技（2208）12月7日公佈，同蘋果合作風電項目，翌日裂口高開一成左右再以陰燭收市，然後股價反反覆覆，2016最後一個交易日，股價先至突破12月8日高位，似乎開始轉強。單嘢證明蘋果覺得，金風質地同執行能力唔錯，而又冇乜反映過喺股價之上，所以買得過。晉佳
http://fb.com/advanceguy1
來源:
http://hk.apple.nextmedia.com/financeestate/art/20170103/19884410