關焯照：跌幅最少雙位數字
1 :
GS(14)@2017-01-02 11:24:32一向睇淡樓市的經濟學家關焯照，去年估全年樓價跌12%至15%，結果不跌反升。但他今年繼續唱淡，認為在美國加息周期開始下，本港經濟極不着數，資產只會貶值，今年最少都有雙位數字跌幅。關焯照指出，去年樓市本來就好多不利因素，轉勢主因剛性需求自年中開始突然非常強勁，加上英國脫歐，以及人民幣滙價轉弱，內地資金湧入香港，令樓價由跌轉升。今年樓市由息口主導，現時在極低息環境下，「無論今年加幾多次息，最多都係2.5厘左右，供樓負擔其實都唔算增加得太多，但影響樓價表現絕對唔係因為供樓供多咗而令樓價跌」。他分析，美國一旦踏入加息周期，與美元掛鈎的港元將首當其衝，「經濟一定會放緩，呢個係聯繫滙率嘅金科玉律，冇得避」。他認為，既然本港內部經濟不穩，樓市如何會再升呢？就如之前美國股市狂升，但香港股市無升之餘更倒跌，證明港樓價更難背道而馳。
納米樓防守力最弱
關焯照評論以現時樓價走勢推斷，會挨近2015年高位之後就會向下跌，而且上半年反應會快少少，首季已有可能跌3%。之後走勢將會「美國越勁、香港越大鑊」，全年將跌10%至12%，最少都有雙位數。雖然政府加辣，二手流轉量大縮，呈價升量跌之勢。關焯照明言辣招阻不到樓價升，同樣阻不到樓價跌。如果本港股市持續走弱，負財富效應殺到，「有啲業主唔想賣樓都唔得，二手成交少就要減多啲價先賣到」，樓價會跌得更急。對於樓市走勢睇淡，他相信樓價下跌後，納米樓將無人接貨。因為之前買得納米樓的都是僅僅負擔到的人，真正的用家不會買，防守力最弱。當樓價跌到一定水平後，同樣樓價已可以買入更大單位，納米樓將無人吼。今年政府將換屆，如果樓價一如預期下跌，在下一屆政府上場時，有機會減辣，「當然要跌5%以上先有可能，最大機會都係減印花稅」。
來源:
http://hk.apple.nextmedia.com/financeestate/art/20170102/19883667