湯文亮﹕新印花稅欠一個期限
1 :
GS(14)@2016-11-15 08:04:31【明報專訊】有老友話唔明白為何我夠膽預測剛推出的新印花稅制在兩年內必定會取消，他認為，根據政府以往做法，印花稅只會愈加愈重，不要說取消，放寬也不易，佢問我點解咁肯定兩年內會取消？其實我也不太肯定，我只不過是將新印花稅制所欠缺的部分講出來，如果新印花稅制沒有這部分，即使可以產生作用，始終都不完美。這部分就是要清楚向外界表示，新印花稅制是有一個期限，或者可以說是日落時間，有了這個時間，新印花稅制既可發揮預期作用，亦可以有一個可接受的期限（兩年已經是極限），老友話仲係唔明白。
我這個老友天資聰穎，有兩博士學位，如果佢都唔明白，我相信大部分財金官員都唔會明白。首先，我們要了解政府點解要推出各項印花稅，根據CY講，是為了打擊炒賣需求、外來需求和投資需求，目的是希望初次置業者可以上車，但在政府推出新印花稅制之後，市場反應極不符合政府預期，價跌量跌，打算上車的人都縮沙，唔敢上車。他們除了見市况氣氛轉壞，成交量降低亦是不敢上車原因之一。
有了限期 上車客才會積極入市
他們希望在新印花稅制之下，有物業的人不打算入市，地產商要出貨或者私人業主要賣樓，必定要減價或者加大優惠，已經有地產商願意替買家繳付15%新印花稅，於是上車客便採取「等」字訣，遲遲唔願意入市，政府出招希望初次置業者上車的心機就白費了。
有物業人士亦不介意等一等
如果政府能夠訂出一個期限，假設在兩年之後，一切回復正常，不但取消新印花稅，甚至連雙倍印花稅也一併取消，有了這個期限，已經有物業的人不會介意多等兩年，因為可少付超過10%印花稅，這方面的需求一定大減，初次置業者亦知道他們只得兩年時間，在這兩年內必定會積極上車，有一個期限，新印花稅才可以發揮預期的作用。我估計，政府在供應達標情况下，可能會在兩年內取消新印花稅，但就不會預先公布，所以，我夠膽話新印花稅制會在兩年內被取消，希望初次置業者留意時間有限，否則有可能錯失良機。
紀惠集團行政總裁
[湯文亮 敢說亮話]
來源:
http://www.mpfinance.com/fin/dai ... 8686&issue=20161115