ZKIZ Archives


AGA、Gin Lee男人經愛情冇得分享

1 : GS(14)@2016-11-08 05:45:57

【《蘋果》專訪】李幸倪(Gin Lee)和江海迦(AGA)性格上南轅北轍,但定下目標奮勇前進的心卻如出一轍,從兩年前《一加一》結緣後,最近再合力創作三角戀合唱歌《獨一無二》,兩人坦言在感情世界上不容許跟別人分享另一半,但事業上無任歡迎互相進入對方音樂世界,讓樂壇百花齊放。



■Gin Lee和AGA首次合作《一加一》時,獲陳奕迅演繹劇場版獨白。資料圖片

■Gin Lee在AGA眼中,是樂壇不可缺少的歌手。資料圖片


「唔會監視男友」

《獨》講兩女一男的愛情三角錯,問到現實生活有否遇過?Gin Lee坦言:「我鍾意咗一個男仔,佢都鍾意我,不過我知道佢係playboy,所以冇同佢一齊,跟住好快佢就同我另一位同學拍拖,我諗佢可能同時間鍾意幾個女仔,睇吓邊個快答應就同邊個。」而AGA投身社會後,被外表斯文男仔追求,怎知對方又追另一個女仔,剛好兩女有共同朋友,AGA說:「朋友發現唔妥,就約我哋出嚟傾偈,先發現原來係同一個男仔,之後我冇同男仔聯絡,但同嗰個女仔做咗好友。」
Gin Lee覺得愛情是需要專一,AGA認為單向的愛是不恒久,至於會否查男友電話或突擊檢查行蹤?AGA說:「情侶需要有空間,如果對方有心瞞騙,唔會畀你知道,所以唔會監視男友。」性格剛強的Gin Lee亦說:「兩人相處應該尊重加信任,自己觀察力好強,喺生活上可能察覺蛛絲馬迹。」


工作上被比較

感情上不容許跟別人瓜分一人,事業上兩人卻抱開放態度,雖然難免在工作上被比較,但她們直指身處同一公司無損感情,只會加深欣賞,Gin Lee說:「每位歌手都係獨一無二,冇得比較更冇需要比較,樂壇係需要百花齊放。」AGA坦言早前看完對方演唱會後加深了解,讚Gin Lee是樂壇不可缺少的歌手。採訪:馬建華髮型:Gary Sun@Hair Corner(AGA)、Eve Chiu@Queen's private i salon(Gin Lee)化妝:Elaw Wong assisted by Crystal H@thelook-studio.com服裝提供:izzue(AGA)場地提供:My Sweet Art




來源: http://hk.apple.nextmedia.com/entertainment/art/20161108/19825873
AGA Gin Lee 男人 愛情 得分
PermaLink: https://articles.zkiz.com/?id=314461

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019