港大生 吸經驗抗校委會
1 :
GS(14)@2016-09-28 04:51:34【本報訊】學聯在傘運發起升級當晚，港大學生黎的琛（Samuel）戴上黃色地盤頭盔，穿在舍堂打網棍球用的保護墊，在龍和道抵擋警察，電視台不斷重播他被警棍扑至血流披面的畫面。他事後獲馮敬恩邀請參選港大學生會，利用傘運經驗組織同學對抗校委會新任主席李國章。連場戰役過後，他自嘲：「好戇X，經歷咁多嘢，好似都冇乜嘢（成果）發生」。但他認為傘運至少令90後加深港人身份認同，掀起港獨討論，「諗香港前途點樣走」。
■Samuel（左圖）於傘運升級當晚被警棍扑至血流披面。
「唔覺得流血好大付出」
Samuel現任學生會評議會時事委員會署理主席，罷課前自覺是港豬。他是李國賢堂宿生，獲宿友邀請參加罷課，「去聽何式凝同周保松，more inspiring than上堂聽嘅嘢」。他的佔領記憶現已依稀，「當你佔咗30日佢係無動於衷，呢30日就白費咗，冇理由再extend落去」，但他仍義無反顧參與升級，「唔覺得流血係好大付出」。雨傘過後，Samuel指身邊同學開始關心校委會事件，「好多大學一早安插晒（建制）入去，雨傘之後啲人sensitive咗」。對抗校委會過程中，從設定爭取的目標，迫使校方與學生討論及叫價，學生都吸取傘運教訓，不容對方伺機拖延，「雨傘一定係一個reminder，大家有吸取教訓，當然做唔做到就大家定奪」。■記者白琳
來源:
http://hk.apple.nextmedia.com/news/art/20160928/19784339