夫婦開情趣用品店 全因「好玩」
1 :
GS(14)@2016-08-16 06:24:20■Vera（前）及Picco（後）於六年前開始經營網上情趣用品店，純粹因為「好玩」。 李潤芳攝
【本報訊】Sally CoCo是2010年從網上起家性商店，樂觀率性的呂穎恆（Vera）與細心謹慎丈夫朱凱頌（Picco）原本是卡通畫師及IT人，兩公婆搞這盤生意時，純粹因為「好玩」。「我哋兩個鍾意有挑戰性同有意義，夠維持到生計，唔係諗賺幾多錢，開心就做，餓唔死就做啦！」起初睡房就是他們的貨倉，「成個衣櫃冇衫，全部都係玩具，每一日物流哥哥上門收貨，搞到成個廳都係紙皮盒，有一日覺得長此下去唔係辦法，於是租咗個office，然後就開咗間舖喇！」Vera笑言。與其說Sally CoCo是一家情趣用品店，倒不如說是教育及幫助都市人解決性疑問及障礙的心靈小店。講起情趣用品，不少人預設用家為「男好色、女淫蕩」。Vera就覺得，性事仍是平常事，每一個人都會有需要，所以不需要感到羞恥，只是現時香港人對性方面仍然保守，性知識貧乏，例如他們經常收到很多疑問：「咁咁咁會唔會有bb㗎？」令他們哭笑不得。
以往性商店多以布簾遮遮掩掩，店舖內烏燈黑火感覺神秘；踏入Sally CoCo銅鑼灣分店，店舖相當有格調，加上有不少本地插畫家文地貓的可愛畫作。現時客人男女比例各佔一半，亦有不少情侶及夫婦，年齡層由十幾歲至六十幾歲，「多咗幾個朋友上嚟，以前係單獨或者情侶上嚟，而家可能係3個女仔一齊嚟，4個男人一齊嚟，好似行街行精品店咁」。其情趣用品店中，很多都看不出是甚麼產品，例如一條頸鏈設計的產品，可以帶出街，卻原來是震動器。賣情趣用品這門獨特生意，他們當初亦惹到不少朋友的白眼，更重要是擔心家人較為傳統保守，接受不到他們的生意，所以頭半年都「收收埋埋」；後來Vera坦誠告知父母，發覺比想像中容易，父母覺得只要是腳踏實地賺錢亦無不可。
Sally CoCo開業六年已經有三間分店，盈利方面，Vera表示，「夠交租、夠出糧、夠養活自己」。至於Sally CoCo未來有何發展大計，快做媽媽的Vera笑言，又想開多間分店，但又要忙着生仔，所以還是見步行步，好玩就去做。「就好似電影《Finding Dory》咁，just keep swimming！」記者：張紫茵 林幗欣
來源:
http://hk.apple.nextmedia.com/financeestate/art/20160816/19737955