情侶宜善用「拍拖卡」優惠
1 :
GS(14)@2016-08-16 04:52:45■情侶拍拖時可多留意商戶的優惠推廣，不一定「死慳死抵」。 資料圖片
【個人理財】問愛戀易學難精，尤其拍拖消費高昂，理財更是情侶必須惡補的一環。理財專家建議，情侶應善用聯名戶口儲蓄及投資，拍拖消費則可留意信用卡優惠，以賺戲飛、去小旅行為目標。
留意商戶買一送一推廣
拍拖節目不外乎睇戲、食飯，美國萬利理財亞太區總裁張佩儀坦言，即使要儲錢，此等消費亦在所難免。「以前有位男朋友好慳家，成日同我返屋企食飯慳錢，但女仔一定唔鍾意，想出去過二人世界」。她建議，情侶與其「死慳」，倒不如留意商戶買一送一及生日優惠等推廣，又或睇戲只睇早場，已能「慳番唔少」。「信用卡達人」小斯就指，現時不少信用卡均提供睇戲折扣，比如美國運通白金卡逢周四、五睇戲可買一送一，是「拍拖卡」首選。他又建議，情侶若目標賺飛行里數一齊旅行，平日則可一人負責食飯簽賬，一人負責簽海外消費簽賬，務求加快儲里數的速度。「好似滙豐Visa Signature卡，每張都只可以揀一個簽賬類別有6倍獎賞，但如果一人負責揀一個類別簽，就變相兩個類別都有6倍積分」。情侶若有共同目標賺里數或儲錢，一齊合作往往更有效率。張佩儀亦笑言，由於男女投資觀大不同，一起理財反而能達到「對沖」效果。「曾有情侶客戶開聯名戶口投資，男方屬進取型，鍾情炒股務求回報翻倍；但女方則屬依賴型，最緊要穩陣。最終佢哋一半投資股票基金，一半投資債券基金，雖然今年環球投資市場波動，男方投資有虧損，但戶口仍然有賺，全因女方的基金回報拉上補下」。
她續指，情侶理財最緊要目標為本，但以買樓為目標可能太長遠，拍拖階段可先定立3至5年計劃儲錢。「以建立20萬元結婚基金為例，兩個人每月可合共儲8,000元投資，若基金一年回報有5%，4,800元已夠兩人去一趟澳門旅行」。若希望投資組合的流動性高，則可以月供股票形式買高息股，比如四大行內銀股，貪其估值偏低兼可長揸收息。中大商學院助理院長李兆波指，情侶不論開立聯名戶口抑或各有各儲，最緊要建立適合大家的儲蓄習慣。「好似去旅行嘅頻率，去咩價位餐廳，最緊要大家拎出嚟傾，過程大家未必同意，但起碼一齊建立儲蓄概念」。記者：陳洛嘉
來源:
http://hk.apple.nextmedia.com/financeestate/art/20160815/19736591