避談同性密友患重病王喜拖5女 落水混戰
1 :
GS(14)@2016-07-09 06:47:32■女參賽者（左起）段隆臻、朱婉禎、Seacole及Annabelle要挑戰僅穿泳衣返酒店。
王喜曾於2002年被踢爆與明仔在何文田同居多年，其後還不時被人影到出雙入對，兼齊齊去沙灘曬太陽，但他一向將私生活低調處理。昨日有雜誌報道，指明仔最近體重暴跌，疑患重病，作為十多年感情要好的密友，王喜當然陪伴在側，不時周圍搵朋友介紹名醫，而且獨力承擔昂貴的醫藥費。由於王喜近年被內地封殺，損失賺人仔的機會，但他不斷求變搵工作機會，日前他便為執導及監製的遊戲節目《喜樂無窮．塞班島》拍外景，本報昨致電問他關於明仔狀況？他表示：「唉！唔回應喇！」
■王喜率領團隊到塞班島拍外景，非常認真。
■眾女要在水中激鬥，打到5女的假眼睫毛甩掉，眼部受傷。
■有指王喜密友明仔（左）患重病要昂貴的醫藥費。資料圖片
打到假眼睫毛甩晒
今次，王喜帶同5名女參賽者段隆臻（Lexi）、羅苑珊（Seacole）、李慧玲（Jamie）、李敏嘉（Annabelle）及朱婉禎（Rainie）出發，問到拍攝進度，他表示：「我哋一落機就安排佢哋接受第一個指示，就係喺路邊啲帳篷嗰度換泳衣，之後再行返酒店，睇吓佢哋邊個沿途可以吸引到最多人嘅目光。」之後眾人要在泳池混戰，他笑言：「今次佢哋喺泳池度混戰，不過最後個個都傷咗隻眼，大部份人啲假眼睫毛都甩晒，所以要即場補妝。」王喜還品評眾女的受歡迎程度，他表示：「我哋目測到段隆瑧暫時係最多人關注同圍觀，Jamie比較受韓國遊客啲相機歡迎，朱婉禎反而受內地遊客歡迎，可能好肉地。」撰文：魯吉
來源:
http://hk.apple.nextmedia.com/entertainment/art/20160708/19685636