左校畢業 靠借錢開書店
1 :
GS(14)@2016-07-09 06:37:03林榮基
林榮基在傳統左派學校香島中學讀書，85年在中華書局做發行，和大部份左派出身的人一樣，他相信共產，有點理想主義。直至六四屠城震碎幻想，89年辭職，輾轉任職田園書屋，94年創辦銅鑼灣書店，「做發行競爭大，做零售生存條件好啲」。自小愛書，開書店順理成章。「當年向兩個朋友各借4萬蚊，連同2萬積蓄，就咁開始。」除第一年蝕錢，林謂很快已收支平衡。後來自由行減少，遇正加租，2014年賣走書店轉做店長，仍以書店為家，生活沒大改變，「之後被拉，有啲咩人話再入股，我已經唔係好清楚」。與世無爭的小書商，無端成了抗爭鬥士，世事難料。
為家姐兩子 戒40年煙癮
煙與書，曾幾何時，對林榮基來說無比重要。返內地前在九龍塘抽的3支煙教他忽爾省悟，決定不惜代價引爆政治炸彈；由被囚寧波到獲安排到韶關圖書館做義工變相軟禁，林謂半年來終抽到第一口煙，為回復了幾分自由而感慨萬千。記者想影一張他吸煙的相片，冷不防鐵漢拋出一句：「我冇煙喎，戒咗喇。」40年的煙癮，話戒就戒。他說得理所當然：「返嚟住喺家姐度，佢唔鍾意我食煙，兩個仔又唔鍾意，咪戒囉。」下定決心做應做的事，決定了就再不回頭。由3支煙到戒煙，原來都好林榮基！
捲桃色報道 想起遇流鶯
正與太太分居、有大陸女友的林榮基，回港後即爆出家中談桃色糾紛的報道，公眾譁然。林榮基謂被軟禁的3個月生活刻板，但有晚遇兩女午夜拍門，「一開門已知乜事，我想關門，其中一個竟然用腳頂住度門，好大膽」。在內地二線城市廉價賓館，有流鶯出沒並不罕有，林榮基只奇怪登門小姐的進取，並無特別放在心中，直至回港捲入桃色報道，與何俊仁談起方恍然大悟，覺得其時大有可能是天仙局！
來源:
http://hk.apple.nextmedia.com/news/art/20160708/19686565