退休後或開設上海菜館
1 :
GS(14)@2016-04-18 12:04:17【本報訊】上海出生、香港長大的華僑銀行集團行政總裁錢乃驥，多年來在外地工作，但至今仍然能夠說出流利的上海話，詞彙更屬父母輩溝通用的古典用語。難怪他自信說：「所以我返到上海，無論交際應酬或上飯館點菜，都好吃得開㗎！」別人驚訝他瑯瑯上口的優雅鄉談，他亦隨年紀漸長，對遠去的老家、一度「冇乜好感的上海菜」，萌生更強烈的歸屬感，因為「同佢有根源嘅關係」。
懂包上海雲吞 做包點
他甚至想像日後退休，首選會開上海餐館，不為圖利只為自得其樂！上海精英一向給人豪邁的「海派」作風，他說：「假若我開菜館，招呼客人嘅地方會寬敞啲，廚房就細啲……如果這是上海海派作風，那我便是海派吧！哈哈哈！」喜歡食但不必山珍海味，富冒險精神但十次試菜八次都「冇乜好結果」，錢乃驥仍樂此不疲繼續探險。他說，開餐館與經營銀行不同，「炒碟意粉，好唔好食即刻知道……銀行推一項政策，可能幾年才見效」。退休後開心愛食堂，可天天接招，「吸引力正在於此，我相信開餐廳我會enjoy」。錢乃驥懂得包上海雲吞、整包點，並非識講唔識做，不過是否達舌尖有高要求的上海顧客標準，就要落場實戰才知，「那一天即是幾時？希望搵到一個機會，當出面人（客）接受到我嘅包點食物，就是時候」！
來源:
http://hk.apple.nextmedia.com/financeestate/art/20160418/19575651