胡杏兒唱錯歌囧樣重現
1 :
GS(14)@2016-07-06 07:59:05胡杏兒、吳雨霏（Kary）、陳瀅與吳千語等昨日於中環出席「Longchamp2016年秋季預覽派對」。最近參加內地真人騷《跨界歌王》的杏兒，唱出《愛如潮水》時一臉囧樣，唱錯歌詞兼表情痛苦，負評如潮。杏兒昨日承認發揮不好，緊張怯場兼揀錯歌：「佢哋揀歌好嚴謹，會揀啲多人識、有難度嘅，未必自己最有把握。」提到囧樣重現，杏兒說：「都唔係第一次，我自己唔知，投入晒好難顧住個樣靚唔靚，會盡力改善。」會否覺得獻醜不如藏拙？她說：「參加完就唔再唱。」是否要封咪？她說：「唔使封咪咁嚴重，我又唔會再出碟。」同場的Kary否認懷孕，她希望生育問題能順其自然發生。採訪：羅慧敏攝影：陳順禎
■吳千語亦悉心打扮出席活動。
■Kary昨日再次否認懐孕傳聞。
來源:
http://hk.apple.nextmedia.com/entertainment/art/20160705/19681212
黑絲人妻杏兒唱《叉燒包》 送外賣冧巫啟賢
1 :
GS(14)@2016-07-12 03:19:31如果你入到去一間酒樓，有個囧樣知客rap住問你鍾意你食咩包，蓮蓉包、豬肉包、玉薯包、豆沙包，應有盡有……你正想掉頭走嗰時，佢捉住你話廣東包唔啱呀？仲有上海包喎！你想食邊款呀？真係頂佢……唔順呀！講緊咩？就係胡杏兒喺大陸節目《跨界歌王》又一力作，佢打扮到好似酒樓知客咁，着住黑絲大唱《叉燒包》，其實就咁聽落就冇咩問題嘅，但問題首歌真係好長，好煩呀！聽完之後成個腦就係叉燒包，廣東包，上海包，想點呀！放過我啦！好啦，雖然首歌好長，但係睇畫面應該可以平衡一下……點知胡杏兒喺個台到推住架點心車喺到行嚟行去，烏前個身兩手揈揈咁，就算有dancer喺側邊佢都係keep住係兩手揈揈，最多間唔中有少少交流咁，到底做緊咩呢？
來源:
http://hk.apple.nextmedia.com/entertainment/art/20160711/19690144
祖兒唱師兄歌被喝停
1 :
GS(14)@2017-04-17 07:20:05■祖兒自嘲飲大兩杯會變開籠雀。
容祖兒前晚假演藝學院舉行「My secret live」尾場騷，有觀眾點唱男友劉浩龍（師兄）《思覺失調》，祖兒只哼了兩句。尾聲時祖兒眼濕濕答謝媽咪：「佢每晚都會準備消夜我食，準備熱水畀我浸腳，為我做咗好多嘢，佢係呢個騷最辛苦嘅人。」完騷後祖兒接受訪問說：「今次演唱會準備時間好長，但一開騷啲時間好快過，好似思覺失調咁。」問到為何不肯唱《思》？她說：「頭先真係準備唱，不過導演叫唔好，始終唔係我嘅歌，我都好想唱。」提到沒有多謝男友？她說：「台上太多人要多謝，慶功先再同佢講。」採訪：曹家誠攝影：仇志德
來源:
http://hk.apple.nextmedia.com/entertainment/art/20170417/19992022
Next Page