七級偽術：用fb在多事之秋
1 :
GS(14)@2016-04-12 17:44:44上周好熱鬧，一單「我阿爸係梁特」，一單高官換樓，叫花生友看熱鬧看得不亦樂乎。也許唯一無此閒情的，只有機管局諸君。真的，又會咁黑嘅，同一時間爆發兩單危機，那幾日想必倒瀉籮蟹。有花生友唔明，前者本質係官小姐大頭蝦遺留行李，懷疑有人利用特權擺平事情，既是舊聞，兼且主要指控乃道聽塗說所得；後者則關乎高官涉嫌行為不當，涉及金錢轇轕、延後利益，照理點秤都應該後者大鑊啲，但係網上反應，大相逕庭，前者瘋狂發酵，群情洶湧，梁特例牌給網民狂插，反而後者初期只有媒體跟進，未見網民圍剿當事人。
Mary想，這恐怕反映了某人在網絡世界是如何嚴重地不得民心，在這邊廂的世界，底子薄，只有敵人，沒有朋友，缺乏有效助化解網上攻擊的機制和策略，遇事便只有捱打的份兒。所以為官者、官太以至官小姐，除了毋忘行事要whiter than white外，Mary認為公眾人物網上底子不能不打厚，起碼有事不至於一籌莫展。回看金童玉女換樓事件，接近周末忽然峯迴路轉，劇情急轉直下，由硬料突然變身八卦料，一招除戒指拉篋出走，靚女高官一個「華麗轉身」，頃刻變身受害人。難怪老友話，咦，乜原來懷疑換樓獲利不過係頭盤，婚外情疑雲才是王牌主菜，情節確係引人入勝。
Mary不敢說誰是誰非，只知往後的發展絕對對女高官有利；無人敢說所有細節都經刻意經營，但總之，周五已聽到行家奔走相告，話馮程拉篋唔係着草，睇清楚吖，戒指不見了，似是情傷「受害人」多啲喎。翌日下午，馮生在facebook快閃出聲明，一句「交往」，進一步還了靚女清白，其後連消帶打式的fb舉措，又改status，又換banner兼頭像，唔，至此，真係無人再有懸念了，fb有時都幾有用。彭瑪莉
mailto:
[email protected]
來源:
http://hk.apple.nextmedia.com/financeestate/art/20160412/19567523