ZKIZ Archives


RubberBand香港仔唱廣東歌

1 : GS(14)@2016-01-23 19:29:07

【點起廣東歌】還記得上一次聽的、或令你跟着唱的廣東歌是哪一首嗎?當人人說:「香港樂壇已死、廣東歌我不懂、廣東唱片沒市場」時,其實評論者有沒有聽過新鮮廣東歌?唔好學特首下下乜都話「知」其實乜都唔知,出到第8張大碟《Gotta Go》的RubberBand(RB),每張碟都玩一個英文字母,成員泥鯭說:「今次知唔知到乜嘢字呀?G!係個G字!」廣東話就係咁過癮囉!撰文:譚倩宜



要撐廣東歌不代表要妖魔化國語歌或外語音樂,RubberBand(RB)的第8張專輯《Gotta Go》就玩足兩文三語,既有主打廣東歌,也有新作國語歌,甚至由隊長阿正填了一首英文歌,要撐廣東樂壇最起碼要去聽聽如今音樂人在做甚麼音樂!RB今次的大碟動用了大量樂壇的精英,找黃偉文寫歌詞,找黃雙駿做音樂,找恭碩良及陳詠謙的和音組合Charatay合唱,更與Supper Moment的結他手阿雞玩Corssover!


■6號(右二)一提起廣東歌,腦內浮現的竟是更經典的粵曲。

影響力遍中外

廣東歌就是要有這麼多不同的混合元素,這麼廣闊的音樂特色在其中,RB一直想吸收更多音樂養份,也不抗拒到文化氣息濃厚的台灣發展,更希望仿效MR到台灣居住半年創作音樂,泥鯭也說:「今次做音樂想要同多啲人合作,唔想故步自封,同其他人合作喺人哋身上學嘢,係今次project嘅最大得着。」對於近年廣東歌被睇低一線,甚至有內地歌唱比賽的評判斷言「廣東歌已out」、「我聽不懂廣東歌」,但RB仍對廣東歌充滿信心,成員阿偉說:「好坦白講,點會唔識廣東歌?華人地區唔多唔少都會聽過一兩首廣東歌,所以我覺得話唔識或未聽過就一定係假,廣東歌喺內地、馬來西亞、台灣都仲有影響力。」泥鯭指以粗略估計,全球仍有2億多人在說廣東話,故廣東歌仍有一定市場,亦是他們繼續做廣東歌的推動力。直言聽廣東歌大的RB,相信廣東歌的情懷沒有減退過,家在香港自然以母語廣東話創作!泥鯭說:「因為廣東話係我母語,呢個語言最能夠隨心所欲咁表達到自己,唔需要繙譯,一聽就會明白。」隊長阿正更表明:「我仍然住喺香港,如果我喺德國住應該會唱德文,但我一日仲喺呢度住,自然係唱廣東歌。」



傳承粵語文化

若要RB說出腦海內即時浮現出的一首廣東歌?阿偉表示:「最近因為有個朋友有啲失意,所以send咗首《前程錦繡》去鼓勵佢,首歌一聽就明,如果你話呢個時候畀首韓文歌個朋友聽,係完全唔啱feel。」泥鯭則指林海峰的新作《I want you廣東歌》最入心:「呢首係以國語唱出嚟嘅廣東歌,成件事好震撼,亦都直接講出咗我哋對廣東歌有幾咁喜愛。」6號則笑說自己只想到《鳳閣恩仇未了情》及《將軍令》此等粵曲:「呢個真係好廣東,廣東可以講到好遠,其實老一代唱緊粵劇,新一代好似許冠傑、Eason(陳奕迅)、學友呢啲唱廣東歌,就好似一個傳承咁,將廣東歌傳落去。」化妝:Yen Lai髮型:Mad Ho of IL COLPO TST服裝:Denim& Supply Ralph Lauren場地:紅磡都會海逸酒店



■RB認為以母語廣東話去創作最可以表達到自己。

■許志安早前參加《中國之星》時以廣東歌參賽,被崔健(右)批評。資料圖片




■河國榮(左)和MC仁早前在毛記《分獎禮》中合唱改詞版《香港地》引起共鳴。資料圖片

最常唱廣東歌:陳冠希《香港地》

RubberBand:原裝版歌詞已經好好,改詞版更加係現時香港所發生緊嘅事,聽完之後真係好sad。另外《補充練習無間做》亦都係講出而家小朋友所面對嘅問題,聽完真係會好心痛啲小朋友。





來源: http://hk.apple.nextmedia.com/entertainment/art/20160123/19463442
PermaLink: https://articles.zkiz.com/?id=294884

Next Page

ZKIZ Archives @ 2019