ZKIZ Archives


二三房鬥法 賭王鏈球菌入肺

2011-11-24  NM

一直都坐正搞賭王正日壽宴的二房,因爭產風波失寵,今年賭王九十大壽,不但冇份在正日賀壽,連舊曆生日都要留俾三太。為了爭番啖氣,超瓊決定在本週 日,即賭王舊曆生日前一天搶飲頭啖湯,在君悅宴請城中猛人賀壽,點知撞啱天氣轉冷,加上人多侷促,令身體虛弱的賭王在壽宴上染上肺炎鏈球菌,翌日要速入養 和;超雲做搞手的百萬生日會泡湯,佢之前寸爆超瓊話「連續兩日有party,驚爹哋攰同辛苦」,如今竟一語成讖,仲要俾超瓊明寸話:「係佢(三太)主張入 院。」氣在心頭的超雲唯有硬食話:「我哋唔會再搞,生日唔會搞兩次。」

賀壽染病
本週日,何超瓊下午兩點已到達君悅, 為晚上的壽宴奔波,據知情人士說:「超瓊本來無諗過大搞,不過知超雲喺四季大搞,佢咪不甘示弱,原本諗住訂ballroom,但有人訂咗,佢哋唯有改喺一 樓,仲要請晒城中官商猛人。」到了當日六時半,二房仔女:何猷龍夫婦,何超儀和丈夫陳子聰亦陸續抵達。到了七點,壽星公何鴻燊終於在女兒超鳳、超蕸護駕下 到來,不過賭王精神已沒以前咁精靈,超鳳叫賭王向傳媒揮手打招呼,賭王都未有反應,見賭王呆滯,一眾嘉賓亦不敢打擾,據場內賓客講:「佢嚟到都有同嘉賓影 相,不過影咗十分鐘就無影,我哋都唔想走埋去打擾佢。」之後賭王上台致辭食埋個鮑魚,一共留了個多小時就走,「佢上台多謝嘉賓出席佢十八歲五周年嘅生日 會,食完鮑魚就走,我諗佢攰啦,都明嘅。」體力透支,加上當日天氣轉凍,場內又人多冷氣勁,賭王坐了不久便開始咳嗽。

生日入院
當 晚賭王九點就返到二房屋企,原打算出席翌日(舊曆生日)三房在四季搞的壽宴,為了這個壽宴,三房出盡法寶,超雲去學整蛋糕,超蓮和猷啟連日練歌、練鼓準備 獻唱。 本週一朝早,超瓊聯絡三太謂賭王身體不適,由三太決定是否入院及取消壽宴,搞到三房亂晒陣腳,據知情者透露,好勝超雲其實想繼續搞,叫髮型師、化妝師依時 到屋企整頭扮靚,到三點半三太再與醫生聯絡,得悉賭王感染肺炎鏈球菌,於是決定取消壽宴,「Florinda(超雲)諗住叫賭王入院睇睇,然後再出院,飲 完壽酒就返醫院抖,不過三太為免好似阿四上次搞到賭王手尾長,所以當機立斷取消晚宴。」 超雲不想認輸,於是發新聞稿,通知傳媒一家人將去醫院探望老豆,仲搬個輪盤蛋糕上病房做生日,不讓二房專美。而何超瓊離開養和時,則面露笑容,語帶挑釁 話:「醫生話要入院,我哋當然支持。」問到三太會否失望?「我哋今朝有溝通過,係佢主張入院。」無得出風頭的超雲,在醫院逗留了兩個多小時後,便與男友陳 山聰一齊返回陽明山莊過夜。翌日她陪三太離開醫院時代母發言:「何生身體緊要,我哋冇嘢再搞,嗰卅圍酒席都捐咗俾老人院。」

四太無癮
不過最慘都係四太梁安琪,本來諗住攞晒彩幫賭王搞九十大壽,所以當記者問四太長女超盈有冇機會三房一齊為賭 王賀壽?她決絕地說:「實際上唔可能啦!」誰知二房使出一招先發制人玩殘何鴻燊,問四太本週五原定於信德金潮閣搞的賭王正日壽宴點收科?她無奈的說:「好 難講,過兩日先算啦。」儘管三房不咬弦,但為賭王着想,三房人亦乖乖著住紅衫見賭王,「風水師話紅衫可以沖喜,所以你見四太去探賭王都著紅色。」


二房送壽包及派一千元利是給記者(左),三房則將四季酒店的小食送到醫院,當中有鵝肝多士及糯米雞。

人多易染病
呼吸系統專科醫生梁宗存表示,老人家免疫系統較弱,容易感染肺炎鏈球菌,「去人煙稠密的地方更容易感染。」一般症狀為咳嗽、痰多、發高燒、神志不清、呼吸困難,嚴重會因肺炎鏈球菌入血造成生命危險,治療方法為接受一星期的抗生素注射。

三房 鬥法 賭王 鏈球菌 鏈球 入肺
PermaLink: https://articles.zkiz.com/?id=29446

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019