新股老闆跣人平常事 周顯
1 :
GS(14)@2015-10-09 02:27:41http://www.mpfinance.com/htm/fin ... mnist/en30_en30.htm
【明報專訊】那天同人講起老闆的信用問題，我說﹕「有一次有一隻IPO(新股招股)，批了股給一大班人，講明當日沽出，有10%的利潤，點知一開市，升5%，跟覑跌了下來，在升1%至3%之間徘徊，大家梗係媽媽聲，仲好驚中伏，跌穿招股價咪死？於是好多人急急把股票沽出了。」
朋友說﹕「咁都係正常既。大家都曾經中過伏，被老闆跣是平常事啦。」
我說﹕「咁我就打電話問經紀，她說等下先啦，我鰟手都未沽。於是一直等到三點九，股價突然跳鰦上去，果然升了10%，我拿拿臨沽出，果然賺了10%。」
我的結論是﹕「老闆咁做法，究竟算不算守信用？」
先跌後升 震餐飽
朋友說了另一個故事﹕「好多年前有一名超級富豪，也是搞IPO，保證長獱一年，有50%以上的利潤。於是好多人飛撲入來，做其人頭。誰知新股上市，第一日跌了30%，跟覑很快便股災了……」
我插口說﹕「佢果然巴閉，一IPO股市就軲。」(大家不妨猜猜此人是誰？)
朋友說下去﹕「唉！大家見個市咁，隻股票又一直滑下去，跌了一半以上，唔通死獱住唔放咩，紛紛打靶啦！」
我說﹕「結果這股票在一年後，果然升了50%？」
朋友說﹕「無錯，無幾耐之後，仲私有化埋銏！」
日前教書，說起了內地經濟爆煲的可能性，我用了本土派慣用的名詞「支爆」。我說﹕「我一向愛國愛港，絕對擁護一國兩制，安定繁榮，不過這個名詞實在太過簡潔好用，又沒有其他名詞可以代替，唯有用住先啦！」說完之後，我都忍不住笑了起來。
[周顯 投資二三事]