樂香園：港股的快樂國慶假期
1 :
GS(14)@2015-10-08 02:00:03港股第三季累跌逾5,400點後，在沒有內地股市「干預」下，恒指踏入10月連升兩日，合共累升約1,000點，惟衝破不到22000點阻力位，昨下跌22點。港股回吐幅度少，加上只是3個交易日數據，市場對大市看法未有大變化，倒對大市成交額「縮水」感關注，入市意慾明顯轉弱。有基金朋友指港股要再升，還看內地經濟。他說︰「若果美國真係唔加息住，歐美股市當然興奮啦，咁當然或多或少會利好港股，但今時唔同往日，你睇下而家有幾多間香港上市公司，生意係同內地經濟有直接關係？中國經濟唔掂，港股唔會走到好遠。」朋友更笑謂，近日港股回升部份原因是中國「無市」。他說：「呢幾日個感覺，真係返咗舊時咁樣，夜晚瞓覺前望一望美股，朝早目及目及日股，完全唔洗擔心中國有乜嘢壞消息會搞到個市無啦啦轉向，不知幾咁開心……話時話，呢幾日連junk mail都少咗好多呀！」「快樂嘅時間過得特別快，又係時候講拜拜」，渡過了快快樂樂的國慶假期，周四內地股市將會重開，快樂變「快落」？密西比
來源:
http://hk.apple.nextmedia.com/financeestate/art/20151007/19323650