劏場大王三商場 首都廣場最冷清十室九空 租戶：九成九會走
1 :
GS(14)@2015-04-09 00:47:01■尖沙嘴首都廣場人煙稀少。
【記者直擊】「劏場大王」尹柏權兩年多前劏出3大商場，包括尖沙嘴首都廣場、荃灣地皇廣場及荃立方，首2年保證租金回報將近屆滿，小業主陸續收回舖位，惟部份以平租作招徠仍十室九空，租客意興闌珊萌生棄意。記者：陳家雄 攝影：黃耀興 許頌明
上周日記者趁復活兼清明五天長假重臨首都廣場，劏場1樓約200個舖，入伙一年多，當年原由運動品牌租用多個相連舖位已退租，空空如也，全層租客屈指可數，保守估計出租率約一成，正值下午2時，駐足1小時，人流不足一百。半年前接受本報訪問的租客黎先生在場內賣手機配件，再次受訪，「人流無改變，每日以百計……」該場今年初推月租1,000元、租約期3個月的推廣，一度吸引不少租戶進駐，「嗰份租約完咗，業主加至月租2,000元，啲人試咗3個月，覺得冇人行，咪走囉！本來呢條街（直指最旺人流商舖）填滿租客，但而家走咗一半」。
■荃灣荃立方整體出租率約40%。
■荃灣地皇廣場部份商舖生意不俗。
荃立方租客「早餐都賺唔到」
黎生留守，惟經營情況無改善，坦言未回本，人工未賺到。就算再平租、惟租期太短，商場未填滿租客，根本無人夠膽進駐。小試牛刀大半年，現在意興闌珊，「九成九唔會留喺度」。荃立方亦是劏場大王的傑作，入伙一年多，整體出租率40%。張小姐半年前以月租1,000元租30呎舖，回顧過去半年營業狀況，她回應：「嘩！蝕到趴喺度。最差