魚缸駁水塘 港股易滿瀉 周顯
1 :
GS(14)@2014-12-09 09:41:28http://www.mpfinance.com/htm/fin ... mnist/en30_en30.htm
【明報專訊】然滬港通一開閘即脫了腳，成為千夫所指，但我卻是死不悔改的支持派，至今仍然認為，這概念會從唔得炒到得為止。星期六那天，同某位很有見識的朋友吹水，我說﹕「大陸一萬億成交，香港在隔籬，點都可以分到一點水。」
朋友說﹕「大陸是水塘，香港是魚缸，分一點水，香港已經滿到瀉啦。」
滬港通唔得炒到得
所以，長期而言，我都是看好滬港通的。其實，我都在先前講過，我問過業界人士，他們都說，由於在滬港通的初期，大家都在摸索階段，交收過程都不太清楚，所以大家都會試住先，不會一下子大炒特炒。所以，我都預它的效應是很慢的。
不過，最衰的還是，家流行炒大價股，我專注的細價股死下死下咁，好多隻都在輸錢，真的很令人難受。
更衰的還是，在上星期五，有一名炒鬼朋友同我說，他搞了一本財經雜誌，不過D內文設計得好肉酸，他說﹕「我睇唔過眼，自己掏荷包，請了一班設計高手，把設計全改過了，家好靚靚，效果好滿意。」
我說﹕「你貼埋錢打工，咁闊佬？」
他說﹕「前幾日炒大隻(按﹕即大價股)，一日贏成百萬，番幾皮出來，有乜所謂，都係想好睇！」
，咁悲，人贏錢，自己無份，慘過輸錢好多！點解我剩係炒細價股，唔識去大撼大，去炒大隻！
[周顯 投資二三事]