📖 ZKIZ Archives

扮嘢王、cap圖、YouTuber 2014年08月28日

1 : GS(14)@2014-08-30 22:46:51

http://www.am730.com.hk/article-224195\r\n\r\n\r\n\r\n關於燦神，以前可能只會諗起扮嘢王，依家好自然就會醒起佢嘅cap圖，甚至乎因為最近一系列短片，而聯想到佢同YouTuber有關……為咗配合前兩頁訪問，於是乎我哋就喺呢3方面入手，講下外國嘅扮嘢藝人同YouTuber，仲示範下點先至為之cap圖「神回」。\r\n文：77合作社\r\n\r\n環球扮嘢星\r\n燦神當年之所以走紅，或多或少因為扮嘢了得，多得早排有一位「現代版乜太」蒲頭，令身為乜太真身嘅燦神再次成為熱話。喺香港要睇人扮嘢，來來去去都係嗰幾個，甚少見歌手或電影演員會有模仿表演，但係外國就有唔少例子，呢班紅星肯放低架子上節目扮嘢，認真親民！\r\n\r\n Bondi Hipsters\r\nMiranda Kerr年初為《GQ》雜誌影咗輯sexy封面相，點知同鄉組合Bondi Hipsters照辦煮碗，成員Dom用佢周身毛嘅body模仿Miranda姿勢影相，搞到原本嘅名模性感照即時變笑料。\r\n\r\n Joseph Gordon-Levitt\r\n靠《500 Days of Summer》走紅嘅Joseph Gordon-Levitt，形象一向斯文令仔，不過自從喺《Saturday Night Live》撕爛西裝扭籮跳脫衣舞，模仿《Magic Mike》入面嘅Channing Tatum之後，大家已經認定佢係搞笑扮嘢王。\r\n\r\n Anne Hathaway\r\nAnne Hathaway一向乜都夠膽試，佢喺Talk騷《Late Night with Jimmy Fallon》入面，為電影《夜神起義》做宣傳，戴金色假髮扮貓女，仲同主持Jimmy唱走音版《Let us play with your look》。\r\n\r\n 陳漢典\r\n有睇開台灣綜藝節目《康熙來了》，應該都識扮嘢王陳漢典，節目播足10年，佢就扮名人扮足10年，俾佢扮過嘅名人包括：台灣名廚阿吉師、《還珠格格》嘅小燕子、大S老公汪小菲及小S等，之不過，接近99%俾佢扮過嘅人都認為，佢係醜化多過模仿囉。\r\n\r\nJonah Hill\r\n仲記得年初睇《her(觸不到的她)》嗰陣，俾Joaquin Phoenix嘅深情演出感動到眼濕濕，點知早排Jonah Hill喺《Saturday Night Live》入面，拍咗段叫做《me》嘅預告片，唔止由佢模仿肥仔版Phoenix，仲將劇情對白二次創作，扮嘢都咁認真，認真專業。\r\n\r\n環球YouTuber逐個睇\r\nYouTuber係咩？咪係自拍短片，靠擺喺YouTube吸睛嘅民間演員囉！同Blogger有咩唔同？仲Blog？out咗喇，外國嘅YouTuber發展不知幾成熟，唔少受歡迎嘅節目都演變為知名Channel，廣告、贊助、收入一定跟住嚟，唔好睇少創意，下面個個YouTuber嘅訂閱人數都過幾十萬。\r\n\r\n 青春是這樣的Thatcher Joe\r\n唔好睇佢年紀輕輕只得22歲，做咗YouTuber幾年，累積訂閱都超過90萬人，佢sell咩？梗係sell青春啦！佢嘅片多數係講年輕人各種話題，講下紋身、旅行、夢中情人、party，一句講晒，用自身去教大家點樣揮霍青春。\r\n\r\n 日日有show DailyGrace\r\n個名叫得DailyGrace，就預咗日日見到佢，人靚又活潑，咪以為女仔就會斯文，佢為求效果，可以不惜將啲茄汁、芥辣、花生醬搽上面，有陣時仲會玩Prank calls，好鬼得人鍾意，累積訂閱210萬。\r\n\r\n 靚女教化妝 Zoella\r\n教化妝呢樣嘢唔係咩新鮮事，咁Zoella有咩咁勁，可以有超過500萬人訂閱呢？好簡單，就係開朗路線，雖然贊助就實有，但勝在周身刀好易學，例如教人紮辮仔整髮型，化咩妝襯咩衫，最重要係佢介紹嘅用品都係平民價，抵佢咁紅。\r\n\r\n 笑爆咀 justkiddingfilms\r\n呢隊team好俾心機拍，主力有兩個華裔大隻仔，專拍笑話，早前就拍咗個「Crazy Asian Parent」系列，諷刺啲tiger mother、市儈父母之類，訂閱人數超過100萬，各位亞洲父母使咩嬲？人哋講明「just kidding」，咪咁小器啦！\r\n\r\n網上片評家 =3\r\n=3(Equals Three)都係由一team人組成，通常會品評一下網上流傳最新最熱門嘅片，例如野蠻大嬸、出醜片段之類，咀多多嘅佢哋會將段片全面解構絕對不留情，超過1,000萬訂閱，超級受歡迎，真係幾想睇佢哋點解構「厚多士」。\r\n\r\nIT靚女 iJustine\r\n用得i字開頭，就知佢以介紹it嘢起家，講真，唔少女士都係it無知，淨係識喺whatsapp、FB講是非，有幾多個識講新科技？有接近200萬訂閱嘅Justine，依家仲講埋美容、音樂、烹飪，實行多線發展，又再一次證明靚女有著數。\r\n\r\n真正玩音樂 Mystery Guitar Man\r\n咩叫做音樂才華？睇下Mystery Guitar Man啦！結他、鋼琴、爵士鼓都只係基本嘢咋！俾個汽水樽佢都可以玩到出神入化，仲識自製樂器，完全滿足視聽娛樂，佢仲多次公開表演，有fans，訂閱人數近300萬，「音樂人」你汗顏嗎？\r\n\r\n本地薑 BOMBA\r\n冇理由唔介紹我哋土炮YouTuber之一BOMBA(笨吧)，雖然佢哋訂閱人數得廿幾萬，但佢哋係一班好有誠意嘅團隊，製作一啲都唔馬虎，有化妝、有特效，專門將一啲社會熱話，以嬉笑手法拍成片放上YouTube，不妨支持下！\r\n\r\n實用cap圖示範\r\nCap圖呢家嘢，前有星爺，後有cctvb，多得佢哋，我哋至可以更啜核地用cap圖「神回」，兼精準地去形容自己當下感受！以下嘅情況，大家都可能遇過，不妨細味！如有雷同，堅係巧合！(見附圖14-17)

---