ZKIZ Archives


買入隆成(1225) CKM001

http://blog.yahoo.com/_IRRMPRNNPACUOC3ZNGHSWJPXME/articles/77979/index

近日港股回升,各內銀與內險領頭上漲,錯過了低撈機會,隻農行(1288)一日竟然可以升13%,實在驚人,但現在歐債危機還未妥善處理,雖然長線 港股看漲,不過短線幾個月內,股市可能再插,既然身逢亂世,參與其中,也是人生一個寶貴經驗,如果今日唔低位撈貨,未來回頭一望,可能後悔莫及,我手上已 經滿倉藍籌,於是向派高息而又防守性強嘅細價股入手,睇過味皇文章,味皇稱這類股票為「十厘股」。

經過一輪研究,還是選擇了林奇兄之愛股隆成集團(1225),昨日我用$0.58入了十萬股隆成,呢間公司係以前香港嘅工業股,公司廠房已經搬返大 陸,以前主要幫外國公司大量生產嬰兒車以及嬰兒用品,現在更開發自家品牌,準備在國內發展零售業務,我唔係財演,唔會講天馬行空嘅內需概念,就睇吓過去十 年派息(上表),就知道呢間公司係隻現金牛,以2010年派息0.09計,現價0.58,股息率16厘,嘩! 有無咁大隻蛤乸隨街跳呀! 原來因為公司上半年業績倒退,所以破例唔派中期息,以至股票比人大力拋售,但就算是2008年金融海嘯,每股派息都有0.05,最低派息的2005年,每 股都派0.045,即現價的8厘。上半年公司收入8.59億元,按年增加6%,但純利倒退78.3%至1281.3萬元,不派中期息,主要因為國內工資與 原料價格上漲,而公司又未能將產品即時加價,並把將成本轉嫁客戶,以致毛利率受壓,但公司認為下年情況會有好轉,隆成市值只有4億多,買細價股始終高風 險,但公司銀行存款扣除債務,淨現金2.2億,財政穩健,而且主席黃英源是誠實商人,過去十多年都沒有虧代小股東,所以我選擇小注買入。

但大家要留意,我只建議投資組合以大藍籌與指數基金為主,這類細價股只宜小注,根據師祖爺伯格拉罕之煙蒂(CIGAR BUTT)投資法,如果要以這類公司為投資組合,最好分注揸50至100隻,如果你決定大手下注,好似 David Webb咁持有達6千萬股(8%總股數)隆成,你已經是專業投資者,到時贏錢無須要多謝我,但輸錢閣下自理。

2011年中期業績連結:

http://www.hkexnews.hk/listedco/listconews/sehk/20110908/LTN20110908545_C.pdf

PermaLink: https://articles.zkiz.com/?id=28401

Next Page

ZKIZ Archives @ 2019